شىمكەنتتە ىندەتكە شالدىققاندار كۇن سايىن ازايىپ كەلەدى. سونىڭ دالەلى قالاداعى پروۆيزورلىق ستاتسيونارلارداعى توسەك-ورىنداردىڭ 50 پايىزدان استامى بوسادى. ناقتىراق ايتقاندا، 4 350 توسەك-ورىن 2 397-گە قىسقاردى.
بۇگىنگە دەيىن قالادا 25 ينفەكتسيالىق ستاتسيونار جۇمىس ىستەدى. ەپيدەميالوگيالىق جاعدايدىڭ تۇراقتالۋىنا بايلانىستى بۇل ەمدەۋ ورتالىقتارىنىڭ 13-ءى جابىلدى.
مەديتسينالىق مەكەمەلەر قازىر قالىپتى جۇمىس ىرعاعىنا ورالدى. ياعني، ناۋقاستار جوسپارلى تۇردە بۇرىنعىداي ەم قابىلداي الادى.
قازىرگى تاڭعا مامانداندىرىلعان ينفەكتسيالىق ستاتسيونارلاردا 1 953 ورىن بار. ونىڭ تەك قانا 36 پايىزىندا ناۋقاس بار.
ايتا كەتەيىك، شىمكەنت قالاسى كوۆيدكە قارسى ۆاكتسيناتسيالاۋ بويىنشا 86,8 % كورسەتكىشپەن كوش باستاپ تۇر. سوڭعى تاۋلىكتە قالادا 7286 ادام ۆاكتسينا سالدى (I كومپونەنت-4933, II كومپونەنت-2353). ەگۋ ناۋقانى باستالعالى بارلىعى 467 916 ادام ۆاكتسينا سالدىردى. ال ۆاكتسينانىڭ ەكى كومپونەنتىن دە سالدىرعاندار سانى 388 362 ادام.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز