الەم باس تارتىپ جاتقان قىتايدىڭ زاتتارىنا قازاقستاننان جىلدان-جىلعا سۇرانىس قايتا جوعارىلاۋدا. ەلىمىزدە ساتىلاتىن ءونىمنىڭ جارتىسىنان كوبى اسپان استى جۇرتشىلىعىنان قولىنان شىققانى بارشاعا ايان. ساپاسى ەمەس، باعاسى ماڭىزدى وتانداستارىمىزعا قىتاي ونىمدەرىنىڭ ءسىز بىلمەيتىن اقيقاتىن اشىپ ايتاتىن بولامىز.
ەگەر دۇكەن سورەلەرىندە ساتىلاتىن اياق-كيىمدە سان جازۋلى بولاتىن بولسا، وندا ول برەند ەمەس، 70 پايىز كوشىرمە زاتتار ەكەنىنە كوزىڭ جەتەدى.
قىتاي تاۋارلارىنىڭ ساپاسى جاقسى بولماسا دا، باعاسى قول جەتىمدى بولعاندىقتان ەلدىڭ ءبارى قالتاسىنا قاراي ساتىپ الادى.
ءتىپتى، ءبىر عانا قازاقستان ەمەس، الەمنىڭ ءبارى تۇپنۇسقاسىنان اينىمايتىن قىتايلىق كيىمدەر مەن اياق كيىمدەردى كيىپ، پايداعا جاراتادى.
قىتاي زاتتارىن شەكارادان وتكىزبەيتىن امەريكا عانا وتاندىق ونىمدەرىن حالىققا ۇسىنادى.
سوڭعى كەزدە قىتاي ونىمدەرىنەن بۇكىل ەۋروپا جاپپاي باس تارتۋدا. ويتكەنى ادام دەنساۋلىعى مەن ومىرىنە وراسان زور دەرت پەن قاۋىپ توندىرەتىن كيىم-كەشەكتەردىڭ سىرى اشكەرە بولدى. ساراپتاما كورسەتكىشى بويىنشا قازاقستانداعى دۇكەندەر مەن جايما بازارلاردا ساتىلاتىن سورەدەگى زاتتاردىڭ بارلىعى قىتايدان اكەلىنگەن.
ءتىپتى، ساراپتاما كورسەتكىشى بويىنشا ەلىمىزدە اياق-كيىمدەردىڭ 60%-دان استام قىتايلىق ونىمدەر، 30% تۇركيادان، قالعانى شەت ەلدىك برەندتەر بولىپ شىقتى. ءبىر قىزىعى، قىتاي تاۋارلارى قازاقستاندا «برەند» سانالاتىن دۇكەندەردىڭ تورىنە شىعىپ كەتكەن. ساتۋشىعا دا، ساتىپ الۋشىعا دا ماڭىزدىسى ءونىمنىڭ باعاسى، ال بولاشاعى مەن بالا دەنساۋلىعىنا باس قاتىرىپ جاتقان ەشكىم جوق.
قىتايدان اكەلىنەتىن كوشىرمە اياق-كيىمدەردىڭ سالدارىنان اللەرگيا، گريبوك، ورتوپەديالىق اۋرۋلار پايدا بولادى. سونداي-اق، ادام تابانىنان سۋىقتىڭ تەز ءوتىپ جانە تەرى ارقىلى بارلىق دەرتتىڭ دەنەگە تارايتىنىن دا ەسكەرۋ قاجەت. قىتايلىق اياق-كيىمدەر تابيعي تەرىدەن ەمەس، دەرمانتيننەن جاسالىنادى.
ال دەرمانتين تەرىگە اۋا وتكىزبەيدى، بۋىن اۋرۋى مەن ەڭ سۇمدىعى ونكولوگيالىق دەرتتىڭ پايدا بولۋىنا سەبەپكەر بولىپ شىقتى. سەبەبى قىتايلىق كوشىرمەن اياق-كيىمدەردىڭ قۇرامىنا فورمالدەگيد پەن فەنولدىق قوسپالارىمەن جانە حوش ءيىستى امين، مەتالل ءامينى جانە تۇراقسىز انيلين بوياعىشتارى ارقىلى جاسالىناتىنى دالەلدەندى.
دارىگەرلەردىڭ ايتۋىنشا، اتاپ وتكەن حيميالىق قوسپالار ارقىلى جاسالىنعان اياق-كيىم ونكولوگيالىق دەرتكە شالدىعۋعا 100 % جول بەرەدى. عالىمدار 75% ىسىك اۋرۋلارىنىڭ ادام اعزاسىندا پايدا بولۋىن ساپاسى ناشار ونىمدەردىڭ كەسىرىنەن ەكەنىن انىقتادى. ادامنىڭ دەنەسىنە ەڭ جاقىن تۇراتىن كيىم مەن اياق كيىم ارقىلى زياندى سينتەتيكالىق زاتتار تەرى ارقىلى وڭاي ءوتىپ، ماڭگى اعزادا قالىپ قويادى. قازاقستاندا ءاربىر ەكىنشى ادام قولداناتىن قىتاي اياق كيىمدەرى ادام سەنبەيتىن اۋرۋلارعا ءسوزسىز الىپ بارادى. سانيتارلىق-ەپيدەميولوگيالىق ورتالىق ماماندارىنىڭ كەڭەسىنە قۇلاق تۇرسەك، تۇتىنۋشى اياق-كيىمدى ساتىپ الاردا يىسكەگەنى ءجون.
ەگەر جاعىمسىز اششى ءيىس شىقسا، الۋدىڭ ەش قاجەتى جوق. ويتكەنى قوسپاسىندا فورمالدەگيد، ستيرول، فەنول، ورگانيكالىق ەرىتكىشتەر پەن بوياعىشتار، ۋىتتى جەلىمدەر، اۋىر مەتالداردىڭ تۇزدارى (قورعاسىن، كوبالت، حروم، كادمي) زاتتاردان تۇراتىن اياق كيىم ەرتەلى-كەش ءشۇباسىز دەرتكە شالدىقتىرادى.
ەندى قاراڭىز، از ۋاقىت بۇرىن قىتاي ۇكىمەتى گۋاندۋن پروۆينتسياسىندا ويىنشىقتار شىعاراتىن 700-دەن استام زاۋىتتىڭ ونىمدەرىن شەتەلگە ەكسپورتتاۋعا تىيىم سالاتىنىن جەتكىزگەن بولاتىن.
بۇل شەشىم قىتايداعى تاۋارلاردىڭ بارلىعى ەۋروپا جانە اقش-تا تۇتىنۋشىلار ءۇشىن قاۋىپتى دەپ تانىلعان بىرقاتار داۋ-جانجالدارمەن بايلانىستى. سوندىقتان سانى ارزان دەپ، سان ءتۇرلى قىتايدىڭ قاپتاعان ونىمدەرىنە جۇگىرمەي، سانالى ۇرپاق، دەنۋ ساۋ بالا مەن دەرتكە شالدىقپاعان ءبۇتىن قوعام ءومىر ءسۇرسىن دەسەڭىز، ساپالى زاتتاردى قولدانعانىڭىز ءجون. ەڭ باستىسى، شەكارادان وتكەن قىسىق كوزدى كورشى ونىمدەرىنە تاجىريبەلەر مەن زەرتتەلىمدەر جۇرگىزىپ قانا، حالىققا ۇسىنعان ابزال.
جانەركە سەريكوۆا
arhar.kz
