حالقىنىڭ بابىن تاۋىپ، بارىن بەرگەن اتقامىنەرلەر، «بەسىنشى ايماق» تاۋەلسىز اقپاراتتىق پورتالىنىڭ نۇسقاسى بويىنشا، لايىقتى ماراپاتتارىنا يە بولدى. بۇگىن وبلىس ورتالىعىنداعى «جۋرناليستەر ۇيىندە» بۇقارانىڭ بازىنالى ماسەلەسىنىڭ كۇرمەۋىن شەشىپ، ءتۇيىنىن تارقاتىپ جۇرگەن ۇزدىك اكىمدەر تۇعىردان تابىلدى.
ەڭبەگىمەن ەر اتانىپ جۇرگەن اكىمدەر اراسىنداعى الامان «حالىق ۇنىنە قۇلاق اساتىن مەملەكەت» تۇجىرىمداماسىنىڭ نەگىزىندە جۇزەگە استى. عالامتورى عالامات، جەلىسى جۇيرىك قوعامدا، باسشىلار اراسىنداعى باستى باسەكەدە قاتىسۋشىلاردىڭ الەۋمەتتىك جەلىدەگى بەلسەندىلىگى مەن تۇرعىنداردىڭ ساۋالىنا جىلدام جاۋاپ بەرۋىنە باسىم نازار اۋدارىلدى.
«بەسىنشى ايماق» اقپاراتتىق سايتىنىڭ ديرەكتورى انۆار الداشەۆتىڭ ايتۋىنشا، ءدال وسى اۋىل اكىمدەرى مەملەكەت پەن قوعامنىڭ كوممۋنيكاتسياسىندا الدىڭعى قاتاردا تۇر. قوس تاراپ «توننىڭ ىشكى باۋىنداي» بولىپ ءبىرتۇتاس دامۋى، ەل دامۋىنىڭ نەگىزگى تەتىگى بولىپ تابىلادى.
«بۇگىن ءبىز بايقاۋ جەڭىمپازدارىن عانا ەمەس، مەملەكەت ساياساتىن ەڭ جاقسى تۇردە جۇزەگە اسىراتىن تابىستى باسقارۋشىلاردى دا ماراپاتتايمىز. جالپى، ءساۋىر ايىنان باستاپ داۋىس بەرۋگە 250 مىڭنان استام ينتەرنەت جەلىسىن پايدالانۋشىلار قاتىستى، بۇل بۇكىل وبلىس حالقىنىڭ 10% - دان استامىن قۇرادى»، - دەپ ءبولىستى انۆار الداشەۆ.
الەۋمەتتىك جەلىدەگى داۋىس بەرۋ ناتەجيەلەرى بويىنشا، ەلىنىڭ باعىن جاندىرۋ ارقىلى وزىدە باقىتقا كەنەلگەن جاندار جەڭىمپازدار قاتارىنان تابىلدى. اتقارعان جۇمىستارى ەل كوڭىلىنەن شىققان بيلىك يەلەرى ءبىر دەگەندە بىرنەشە ماراپاتتى قانجىعالارىنا بايلادى. سولاردىڭ ءبىرى، ەڭبەكشىقازاق اۋدانىنا قاراستى راحات اۋىلدىق وكرۋگىنىڭ اكىمى قۋات اقشاباەۆ. ول «ۇزدىك سۋمەن جابدىقتاۋ اكىمى»، «ەلەكترلەندىرۋ بويىنشا ۇزدىك اكىم»، «حالىقپەن جۇمىس جۇرگىزۋ جونىندەگى ۇزدىك اكىم» دەگەن ءۇش بىردەي اتالىمدا توپ جاردى.
ال، «اۋىلدىق ەلدى مەكەندى جارىقتاندىرۋ بويىنشا ۇزدىك اكىم» جانە «اۋدان تازالىعى مەن قاتتى تۇرمىستىق قالدىقتاردى شىعارۋ بويىنشا ۇزدىك اكىم» نوميناتسياسىنىڭ يەسى ەڭبەكشىقازاق اۋدانىنىڭ، قاراتۇرىك اۋىلدىق وكرۋگىنىڭ اكىمى ايبەك ىلەباي اتاندى.
سونىمەن قاتار، «الماتى وبلىسىنىڭ ۇزدىك اۋدان اكىمىنىڭ اپپاراتى» نوميناتسياسىندا كوكسۋ اۋدانى جەڭىسكە جەتتى.
ساياساتتىڭ سۇرمەرگەندەرىنىڭ اراسىندا وتەن سايىستا، «الماتى وبلىسىنىڭ الەۋمەتتىك جەلىدەگى ۇزدىك اۋىل اكىمى -2021» اتاعى مەن 1-دارەجەلى ديپلوم ماۋلەن بازاليەۆقا بۇيىردى. ول كوكسۋ اۋدانى، اينابۇلاق اۋىلدىق وكرۋگىنىڭ اكىمى قىزمەتىن اتقارادى.
ەندىگىدە، اكىمدەردىڭ رەيتينگتەرى رەسپۋبليكالىق، وبلىس جانە اۋدانىشىلىك بولىپ بولىنەتىنىن بولادى. الداعى ۋاقىتتا ءاربىر ادام AKIMY.KZ جاڭا ءموبيلدى قوسىمشاسىندا اق جاعالىلاردىڭ جۇمىسىنىڭ ساپاسىن باعالاۋعا مۇمكىندىك الادى.
