Halqynyŋ babyn tauyp, baryn bergen atqamınerler, «Besınşı aimaq» täuelsız aqparattyq portalynyŋ nūsqasy boiynşa, laiyqty marapattaryna ie boldy. Bügın oblys ortalyǧyndaǧy «Jurnalister üiınde» būqaranyŋ bazynaly mäselesınıŋ kürmeuın şeşıp, tüiının tarqatyp jürgen üzdık äkımder tūǧyrdan tabyldy.
Eŋbegımen er atanyp jürgen äkımder arasyndaǧy alaman «Halyq ünıne qūlaq asatyn memleket» tūjyrymdamasynyŋ negızınde jüzege asty. Ǧalamtory ǧalamat, jelısı jüirık qoǧamda, basşylar arasyndaǧy basty bäsekede qatysuşylardyŋ äleumettık jelıdegı belsendılıgı men tūrǧyndardyŋ saualyna jyldam jauap beruıne basym nazar audaryldy.
«Besınşı aimaq» aqparattyq saitynyŋ direktory Anvar Aldaşevtıŋ aituynşa, däl osy auyl äkımderı memleket pen qoǧamnyŋ kommunikasiiasynda aldyŋǧy qatarda tūr. Qos tarap «tonnyŋ ışkı bauyndai» bolyp bırtūtas damuy, el damuynyŋ negızgı tetıgı bolyp tabylady.
«Bügın bız baiqau jeŋımpazdaryn ǧana emes, memleket saiasatyn eŋ jaqsy türde jüzege asyratyn tabysty basqaruşylardy da marapattaimyz. Jalpy, säuır aiynan bastap dauys beruge 250 myŋnan astam internet jelısın paidalanuşylar qatysty, būl bükıl oblys halqynyŋ 10% - dan astamyn qūrady», - dep bölıstı Anvar Aldaşev.Äleumettık jelıdegı dauys beru nätejielerı boiynşa, elınıŋ baǧyn jandyru arqyly özıde baqytqa kenelgen jandar jeŋımpazdar qatarynan tabyldy. Atqarǧan jūmystary el köŋılınen şyqqan bilık ielerı bır degende bırneşe marapatty qanjyǧalaryna bailady. Solardyŋ bırı, Eŋbekşıqazaq audanyna qarasty Rahat auyldyq okrugınıŋ äkımı Quat Aqşabaev. Ol «Üzdık sumen jabdyqtau äkımı», «Elektrlendıru boiynşa üzdık äkım», «Halyqpen jūmys jürgızu jönındegı üzdık äkım» degen üş bırdei atalymda top jardy. Al, «Auyldyq eldı mekendı jaryqtandyru boiynşa üzdık äkım» jäne «Audan tazalyǧy men qatty tūrmystyq qaldyqtardy şyǧaru boiynşa üzdık äkım» nominasiiasynyŋ iesı Eŋbekşıqazaq audanynyŋ, Qaratürık auyldyq okrugınıŋ äkımı Aibek Ilebai atandy. Sonymen qatar, «Almaty oblysynyŋ üzdık audan äkımınıŋ apparaty» nominasiiasynda Köksu audany jeŋıske jettı. Saiasattyŋ sūrmergenderınıŋ arasynda öten saiysta, «Almaty oblysynyŋ äleumettık jelıdegı üzdık auyl äkımı -2021» ataǧy men 1-därejelı diplom Mäulen Bazalievqa būiyrdy. Ol Köksu audany, Ainabūlaq auyldyq okrugınıŋ äkımı qyzmetın atqarady. Endıgıde, äkımderdıŋ reitingterı respublikalyq, oblys jäne audanışılık bolyp bölınetının bolady. Aldaǧy uaqytta ärbır adam AKIMY.KZ jaŋa mobildı qosymşasynda aq jaǧalylardyŋ jūmysynyŋ sapasyn baǧalauǧa mümkındık alady.
