Almaty oblysyndaǧy Qylmystyq-atqaru jüiesıne qarasty №10 mekemede ekı jaŋa öndırıstık nysan — «INFINITEL» jäne «BroMart» käsıporyndary ıske qosyldy. Nätijesınde 100 jaŋa jūmys orny aşylyp, jazasyn öteuşılerdı tūraqty jūmyspen qamtuǧa baǧyttalǧan jüielı jūmystardyŋ kezektı kezeŋı jüzege asty.
Jaŋa öndırıs oryndarynyŋ qyzmetımen oblys äkımı Marat Sūltanǧaziev, salalyq vedomstvolardyŋ basşylary jäne biznes-qoǧamdastyq ökılderı tanysty. Memlekettık organdar men jeke sektor arasyndaǧy tiımdı ärıptestık nätijesınde el basşylyǧy qoiǧan jazasyn öteuşılerdı qaita äleumettendırudıŋ tiımdılıgın arttyru jäne QAJ mekemelerındegı öndırıstık äleuettı damytu jönındegı tapsyrmalar kezeŋ-kezeŋımen oryndalyp keledı.
Öŋırde jazasyn öteuşılerdı jūmyspen qamtu deŋgeiı 41 paiyzdan 65 paiyzǧa deiın artty. Būl nätijege käsıpkerlermen bırlesıp ıske asyrylǧan oqytu baǧdarlamalary men öndırıstık jobalardyŋ qosqan ülesı zor. Atap aitqanda, «Atameken» käsıpkerler palatasy ūiymdastyrǧan tegın kurstar aiasynda 250 adam sertifikat alyp, olardyŋ 78-ı tūraqty jūmysqa ornalasty.
Öŋır basşysy Marat Sūltanǧaziev QAJ mekemelerındegı öndırıstık infraqūrylymdy damytu memlekettık saiasattyŋ basym baǧyttarynyŋ bırı ekenın atap öttı.
«Būl käsıporyndardyŋ ıske qosyluy Qazaqstan Prezidentı Qasym-Jomart Toqaevtyŋ tapsyrmalaryn naqty ıske asyrudyŋ aiqyn körınısı. Eŋbek — jazasyn öteuşılerdı qoǧamǧa qaita beiımdeudıŋ eŋ tiımdı tetıkterınıŋ bırı. Osyndai jobalar arqyly bız olarǧa jaŋa mümkındık ūsynyp, bolaşaqqa degen jauapkerşılıktı qalyptastyramyz», — dedı oblys äkımı.
Qaraşa aiynyŋ qorytyndysy boiynşa QAJ jüiesıne qarasty №10, 12, 14 jäne 57 mekemelerınde jalpy sany 251 jaŋa jūmys orny qūryldy. Qazırgı uaqytta öŋırde öndırıstık sektordy keŋeitu jäne jaŋa jobalardy ıske qosu jūmystary jalǧasyp jatyr.
