VI Düniejüzılık köşpendıler oiyndarynda el namysyn qorǧap, jüldelı oralǧan Almaty oblysynyŋ sportşylary marapattaldy. Qyrǧyzstanda ötken halyqaralyq dodada baby men baǧy qatar janǧan jüldegerlerge Almaty oblysynyŋ äkımı Şyŋǧys Ärınov alǧys aityp, ıltipat bıldırdı, - dep habarlaidy Almaty oblysy äkımınıŋ baspasöz qyzmetı.
“Köşpendıler oiyndary – halqymyzdyŋ ūlttyq bolmysyn, salt-dästürın, at üstındegı önerın älemge tanytatyn asa maŋyzdy halyqaralyq jarys. Älemnıŋ 100-den astam elınen kıl myqtylar qatysqan dübırlı dodada ūlttyq qūrama jalpykomandalyq esepte bırınşı orynǧa ie boldy. Būl – elımız üşın ülken maqtanyş. Bız üşın taǧy bır erekşe quanyş – el qūramasynyŋ sapynda Almaty oblysy atynan öner körsetken sportşylardyŋ jüldelı oryndarǧa ie boluy. Būl rette sportşylarymyzdyŋ jeŋısıne jol aşqan bapkerlerdıŋ de eŋbegın erekşe atap ötkım keledı. Öŋırde ūlttyq sportty damytuǧa, balalar men jasöspırımder arasynan sport rezervın qalyptastyruǧa erekşe basymdyq berılıp keledı. Soŋǧy jyldary ūlttyq sportqa bet būrǧan jastardyŋ qatary aitarlyqtai artty. Aldaǧy uaqytta ūlttyq sportty keŋınen därıpteuge, ony būqaralyq sipatqa jetkızuge, jas talanttardy ırıktep, myqty sport rezervın qalyptastyruǧa jäne el abyroiyn asqaqtatatyn saŋlaqtarǧa jan-jaqty qoldau körsetuge basymdyq beremız. Ūlttyq sporttyŋ örkendeuı zamanaui ärı qoljetımdı infraqūrylymǧa da tıkelei bailanysty, – dedı Şyŋǧys Sairanūly.
Sondai-aq sport nysandaryn salu men jaŋǧyrtu jäne ärbır tūrǧynnyŋ sportpen şūǧyldanuyna qolaily orta qalyptastyru baǧytyndaǧy jūmystar jüielı türde jalǧasatynyn tılge tiek ettı.
Aimaq basşysy sanauly künderden soŋ jalauy jelbıreitın HH Aziia oiyndaryna Qazaqstan qūramasy sapynda Almaty oblysynyŋ 24 ökılı sporttyŋ 13 türınen baq synaitynyn aityp, barşa tūrǧyndardy osy bairaqty bäsekege qatysatyn jerlesterımızge qoldau körsetuge şaqyrdy.
Bügıngı ıs-şara barysynda «Alatau» federasiiasynyŋ prezidentı Säbit Qasenov, kökpardan VI düniejüzılık köşpendıler oiyndarynyŋ töreşısı Eldos Tılebaldiev jäne alaman bäigeden, kökpardan, kökbörıden jüldelı oryndarǧa ie bolǧan sportşylarǧa Prezidentıŋ “Alǧys haty” tabystaldy. Özge sportşylar men bapkerler de oblys äkımınıŋ “Qūrmet gramotasy” jäne “Alǧys hatpen” marapattaldy.
Dübırlı dodada kök bairaqty jelbıretıp, jeŋıspen oralǧan sportşylar özderın elep-eskergen Memleket basşysy men oblys äkımıne alǧys bıldırdı.
