Ūzynaǧaş auyly maŋyndaǧy tūrmystyq qatty qaldyqtar poligonynda ört şyqty, dep habarlaidy "Adyrna" ūlttyq portaly.
Būl turaly oblystyq Tötenşe jaǧdailar departamentı jazdy.
Ört 18 mausym künı keşkı uaqytta Jambyl audanyna qarasty poligonda tırkelgen. Resmi mälımet boiynşa, poligon jergılıktı atqaruşy organdardyŋ qaramaǧynda. Onyŋ jalpy aumaǧy 10 gektardy qūraidy, al qaldyqtardyŋ tereŋdıgı 3-ten 7 metrge deiın jetedı.
«Aldyn ala boljam boiynşa, 1 gektar aumaqty jalyn şarpyǧan. Örttı söndıru jūmystary su sebu jäne qaldyqtardy qorşau ädısterı arqyly jürgızılıp jatyr», – delıngen TJD taratqan aqparatta.
Qazırgı uaqytta örttı söndıruge 25 maman men 12 arnaiy tehnika jūmyldyrylǧan.
Ūqsas jaŋalyqtar
