3 jeltoqsanda Qonaev qalalyq Mädeniet üiınde Almaty oblysynyŋ jastaryna arnalǧan «Esırtkısız ömır – myqtylardyŋ taŋdauy» forumy öttı. Is-şaranyŋ negızgı maqsaty – salauatty ömır saltyn nasihattau, jastar arasynda naşaqorlyqtyŋ aldyn alu jäne qūqyqtyq mädeniettı arttyru.
Forum jūmysyna Almaty oblysynyŋ äkımı Marat Eleusızūly Sūltanǧaziev, oblystyq polisiia departamentınıŋ bastyǧy, polisiia polkovnigı Meiram Jūmkenūly Äbıkeev, sportşylar, qoǧam belsendılerı, jastar jäne tanymal blogerler. Moderator qyzmetın akter, bloger Marselen Kamate atqardy.
Öz sözınde oblys äkımı jastardyŋ qūqyqtyq mädenietı men jauapkerşılıgın qalyptastyru qoǧamnyŋ tūraqty damuy men qauıpsızdıgı üşın maŋyzdy ekenın atap öttı. Sonymen qatar ol Memleket basşysy Qasym-Jomart Toqaevtyŋ esırtkı saudasyna jäne naşaqorlyqqa qarsy küres jönındegı tapsyrmalary aiasynda oblysta atqarylyp jatqan jūmystarǧa toqtaldy. Atap aitqanda, «Paryz erıktılerı» qoǧamdyq bırlestıgınıŋ «Saqtan» jobasy şeŋberınde 1000-ǧa juyq zaŋsyz esırtkı jarnamasy joiyldy, 35 taqyryptyq seminar ötıp, jastarǧa 600-den astam aqparattyq material taratyldy. Sonymen qatar 40 beinematerial jariialanyp, tıkelei efirler, 100 aqparattyq ıs-şara jäne 70-ten astam tüngı reid ūiymdastyryldy.
Polisiia departamentınıŋ bastyǧy Meiram Äbıkeev öŋırde esırtkı qylmysyna qarsy ıs-qimyldyŋ küşeitılgenın, soŋǧy jyldary tärkılengen sintetikalyq esırtkınıŋ kölemı on esege artqanyn mälımdedı. Jyl boiy bes esırtkı zerthanasy anyqtalyp, 10 tonnadan astam esırtkı zattary tärkılendı. Sondai-aq departament janynan profilaktikalyq keŋes qūrylyp, jastarmen, bılım beru ūiymdarymen jäne ükımettık emes ūiymdarmen tyǧyz bailanysta jūmys jürgızılıp jatyr.
Forum barysynda naşaqorlyqqa qarsy ıs-şaralarǧa belsene atsalysqan jastar marapattalyp, profilaktikalyq keŋes qūramyna jaŋa müşeler qabyldandy. Marapattalǧandardyŋ bırı – ziiandy ädetterge qarsy tüsırılgen filmge qatysyp, polisiia qyzmetkerınıŋ obrazyn somdaǧan bloger Abzal Ǧarifullin.
Şara aiasynda QR IIM Kinologiialyq ortalyǧy qyzmettık-ızdestıru itterınıŋ qoiylymyn körsettı. Forumnyŋ syrtqy bölımınde jedel äreket etetın arnaiy jasaq jauyngerlerı qoian-qoltyq ūrys täsılderın jäne qaruly qylmyskerdı qūryqtau boiynşa jattyǧularyn körsetıp, arnaiy tehnikamen tanystyrdy.
Is-şara jastardyŋ salauatty ömır saltyn ūstanu, qauıpsız orta qalyptastyru jäne esırtkıge qarsy immunitetın nyǧaitu baǧytyndaǧy maŋyzdy qadamdardyŋ bırı bolyp öttı.
