Almaty oblysynyń týrızmin damytýǵa 58 mlrd teńge bólinedi, dep habarlaıdy "Adyrna" ulttyq portaly Oblystyq ákimdiktiń baspasóz qyzmetine silteme jasap.
Vedomstvonyń málimetinshe, Almaty oblysynyń ákimdigi men ınvestorlar toby arasynda "Oi-Qaragai" kýrortyn damytý boıynsha qajetti jaǵdaılar jasaýǵa jáne jobany qoldaýǵa qatysty memorandýmǵa qol qoıý rásimi ótti.
"Qol jetkizilgen kelisimder sheńberinde 2028 jylǵa deıin taý kýrortyn keńeıtý, atap aıtqanda aspaly joldar salý, taý shańǵysy trassalarynyń uzyndyǵyn ulǵaıtý, betkeılerdi jabdyqtaý, paraplanerlerge arnalǵan alańdar, glampıngter, meıramhanalar, kólder jáne qonaqtarǵa arnalǵan etno-qalashyq josparlanýda. Jobany júzege asyrý barysynda úsh negizgi baǵyt boıynsha memlekettik qoldaý sharalary aıqyndaldy", - dedi Almaty oblysy ákiminiń orynbasary Rýstam Isataev.
Onyń aıtýynsha, aımaq basshylyǵy ınjenerlik jáne kólik ınfraqurylymyn júrgizý máselelerine kómek kórsetýge, sondaı-aq ákimshilik qoldaý kórsetýge daıyn.
"Taǵy bir mańyzdy qadam – gaz qubyrynyń ótkizý qabiletin saǵatyna 1000 tekshe metrge deıin arttyra otyryp, ony qaıta qurý. Budan basqa, Baıbulaq kentinen Oi-Qaragai-ǵa deıin Júk-jolaýshylar tasymaly úshin avtojol salý jobasy iske asyrylatyn bolady. Sońǵy ári mańyzdy qadam – Talǵar traktisi - Oi-Qaragai jolyn qaıta jańartý, jaryq ornatý", - dedi Rýstam Isataev.
"Adyrna" ulttyq portaly
