الەۋمەتتىك جەلى قولدانۋشىسى قاراعاندى وبلىسىنان شىعاتىن «يندۋسترالنايا كاراگاندا» گازەتىنىڭ ءبىرىنشى بەتىندە تۇرعان سسسر گەربىنە نارازىلىق ءبىلدىردى.
باسىلىمنىڭ وزگەدەن ەرەك بولۋىنىڭ سەبەبىن كوپشىلىكتەن سۇرادى. بۇعان قوسا، «Əلدە بۇل كەنشىلەر قالاسىنا كەلمەسكە كەتكەن كەڭەس ۇكىمەتى ورالادى دەگەن جىمىسقى ويدى قوزداتىپ، بوداندىقتى كوكسەگەندەردىڭ ارەكەتى مە؟ وسى ۋاقىتقا دەيىن اۋىستىرماۋىنا نە سەبەپ بولدى؟ «رۋحاني جاڭعىرىپ» جاتقان وبلىستىڭ يدەولوگياسىنا جاۋاپتىلار اي قاراپ وتىر ما؟» — دەگەن ساۋالدارىنا جاۋاپ ىزدەدىك. «يندۋسترالنايا كاراگاندا» گازەتى باس رەداكتوردىڭ ورىنباسارى گۇلنار ىسقاقوۆاعا حابارلاستىق. ول: «جوق، ءبىز ەشقانداي دا كەڭەس ۇكىمەتىن اڭساپ جۇرگەن جوقپىز. ونداي وي ءتىپتى دە باسىمىزعا كەلمەپتى. بۇل بەلگىنىڭ باسىلىمىمىزدىڭ ءبىرىنشى بەتىندە تۇرۋىنىڭ وزىندىك سەبەبى بار. گازەتىمىز 1931 جىلدان بەرى شىعىپ كەلەدى. وسى ۋاقىتقا دەيىن مۇرتى بۇزىلماي كەلە جاتقان ءبىزدىڭ باسىلىم عانا. وسى ورايدا، سسسر كەزىندە «قىزىل تۋ» وردەنىمەن ماراپاتتالدىق. بۇل سونىڭ دالەلى رەتىندە عانا قويىلعان بەلگى. ەگەر بۇگىنگى بەيبىت زاماندا تاعى ءبىر توسبەلگى الار بولساق، ونى دا جانىنا قوسىپ قوياتىن بولامىز» — دەپ جاۋاپ بەردى.
