Äleumettık jelı qoldanuşysy Qaraǧandy oblysynan şyǧatyn «İndustralnaia Karaganda» gazetınıŋ bırınşı betınde tūrǧan SSSR gerbıne narazylyq bıldırdı.
Basylymnyŋ özgeden erek boluynyŋ sebebın köpşılıkten sūrady. Būǧan qosa, «Əlde būl kenşıler qalasyna kelmeske ketken Keŋes ükımetı oralady degen jymysqy oidy qozdatyp, bodandyqty köksegenderdıŋ äreketı me? Osy uaqytqa deiın auystyrmauyna ne sebep boldy? «Ruhani jaŋǧyryp» jatqan oblystyŋ ideologiiasyna jauaptylar ai qarap otyr ma?» — degen saualdaryna jauap ızdedık. «İndustralnaia Karaganda» gazetı bas redaktordyŋ orynbasary Gülnar Ysqaqovaǧa habarlastyq. Ol: «Joq, bız eşqandai da Keŋes ükımetın aŋsap jürgen joqpyz. Ondai oi tıptı de basymyzǧa kelmeptı. Būl belgınıŋ basylymymyzdyŋ bırınşı betınde tūruynyŋ özındık sebebı bar. Gazetımız 1931 jyldan berı şyǧyp keledı. Osy uaqytqa deiın mūrty būzylmai kele jatqan bızdıŋ basylym ǧana. Osy oraida, SSSR kezınde «Qyzyl Tu» ordenımen marapattaldyq. Būl sonyŋ dälelı retınde ǧana qoiylǧan belgı. Eger bügıngı beibıt zamanda taǧy bır tösbelgı alar bolsaq, ony da janyna qosyp qoiatyn bolamyz» — dep jauap berdı.
