مەملەكەت باسشىسى قاسىم-جومارت توقاەۆ ەل تاۋەلسىزدىگىنىڭ 30 جىلدىعى قارساڭىندا ءوندىرىس، بيزنەس، ءبىلىم بەرۋ، دەنساۋلىق ساقتاۋ سالالارىنىڭ كورنەكتى وكىلدەرى، مادەنيەت جانە عىلىم قايراتكەرلەرى، سپورتشىلار، ەڭبەك ارداگەرلەرى، اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرىن ماراپاتتادى، دەپ حابارلايدى «ادىرنا» ءتىلشىسى.
«قازاقستاننىڭ ەڭبەك ەرى» جوعارى اتاعى قازاقستان رەسپۋبليكاسىنىڭ الەۋمەتتىك-گۋمانيتارلىق، دەنساۋلىق ساقتاۋ سالالارىن دامىتۋداعى جانە وندىرىستىك قىزمەتتەگى ەرەكشە ەڭبەگى ءۇشىن جازۋشى ءا.اشىموۆكە (تارازي), نۇر-سۇلتان قالاسىنداعى «ونكولوگيالىق ورتالىق» مكك باس دارىگەرى م.تولەتاەۆقا، شىعىس قازاقستان وبلىسىنىڭ «قازمىرىش» جشس باس ديرەكتورى ا.حمەلەۆكە بەرىلدى.
«وتان» وردەنىمەن جازۋشى س.دوسانوۆ، ەڭبەك ارداگەرى م.جولداسبەكوۆ، اقىن ا.باقتىگەرەەۆا، «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ» وردەنىمەن كونستيتۋتسيالىق كەڭەس توراعاسى ق.ءمامي، «قازمۇنايگاز» ۇك» اق باسقارما توراعاسى ا.ايدارباەۆ، «ا.سىزعانوۆ اتىنداعى ۇلتتىق عىلىمي حيرۋرگيا ورتالىعى» اق باسقارما توراعاسى ب.بايماحانوۆ، «Bazis Holding سompany» جشس ديرەكتورلار كەڭەسىنىڭ توراعاسى ا.بەلوۆيچ، جازۋشى د.يسابەكوۆ، قازاقستان پراۆوسلاۆ شىركەۋىنىڭ باسشىسى، استانا جانە قازاقستان ءميتروپوليتى الەكساندر ماراپاتتالدى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەت سالاسىنىڭ 28 كورنەكتى وكىلىنە بەرىلدى، ولاردىڭ ىشىندە تەاتر جانە كينو ارتىستەرى: م.اجىبەكوۆ، ج.قۇرمانبەكوۆ، ل.كريۋچكوۆا، رەجيسسەر د.ومىرباەۆ، ونەرتانۋشى ە.رەزنيكوۆا جانە باسقالار بار. «قازاقستاننىڭ ەڭبەك سىڭىرگەن» ۇستازى قۇرمەتتى اتاعى «ن.تىلەنديەۆ اتىنداعى كىشى ونەر اكادەمياسى» وبلىستىق دارىندى بالالارعا ارنالعان ينتەرناتتىق مەكەمەسى بار مامانداندىرىلعان مەكتەپ» مم مۇعالىمى د.تورەحانوۆاعا بەرىلدى.
بەلگىلى عالىمداردىڭ، مادەنيەت قايراتكەرلەرىنىڭ، وندىرىستىك سالا وكىلدەرىنىڭ ەڭبەكتەرى «پاراسات» وردەنىنە لايىق دەپ تانىلدى. ولاردىڭ اراسىندا «م.اۋەزوۆ اتىنداعى قازاق مەملەكەتتىك اكادەميالىق دراما تەاترى» رمقك ءارتىسى ب.ءابدىلمانوۆ، «ەرشوۆسكوە-2» جشس ديرەكتورى س.اعايداروۆ، «مۇناي-گاز كەشەنىنىڭ ارداگەرلەرى» رقب باس ديرەكتورى ز.الشىمباەۆ، «وتىرار كىتاپحاناسى» عىلىمي-زەرتتەۋ ورتالىعىنىڭ ديرەكتورى ت.جۇرتباي، «راكۋرس» ەكونوميكالىق تالداۋ ورتالىعىنىڭ ديرەكتورى و.جاندوسوۆ، اقان سەرى اتىنداعى سولتۇستىك قازاقستان وبلىستىق فيلارمونياسى كامەرالىق حورىنىڭ حورمەيستورى يۋ.كولچين، «قازاق ادەبيەتى» گازەتى رەداكتسياسىنىڭ مەڭگەرۋشىسى ە.جاپپاسۇلى، «استانا» حالىقارالىق قارجى ورتالىعى دەپارتامەنت ديرەكتورىنىڭ ورىنباسارى ش.قۇرمانبايۇلى، جازۋشى ز.ناۋرىزباەۆا، «التاير» جشس ديرەكتورلار كەڭەسىنىڭ توراعاسى ا.پوتيچەنكو جانە باسقالار بار.
ءىى دارەجەلى «دوستىق» وردەنىنە ادام قۇقىقتارى جونىندەگى ۋاكىل ە.ءازىموۆا، «Kaspi.kz» اق باسقارما توراعاسى م.لومتادزە يە بولدى.
«قۇرمەت» وردەنىمەن ماراپاتتالعانداردىڭ ىشىندە شاحماتشى ج.ابدىمالىك، «استانا وپەرا» «مەملەكەتتىك وپەرا جانە بالەت تەاترى» كەاق باس ديريجەرى ا.بورىباەۆ، «كوكشەتاۋ قالاسى جوعارى تەحنيكالىق كوللەدجى» مكقك جەتەكشىسى ا.ەسلاموۆا، «جەكپە-جەك ونەرىنىڭ اسسوتسياتسياسى» زتب پرەزيدەنتى ب.ىستىباەۆ، جامبىل وبلىسىنىڭ «ي.ترۋبيتسىن اتىنداعى جالپى ءبىلىم بەرەتىن مەكتەپ-گيمنازياسى» كمم مۇعالىمى ن.قايمالاقوۆا، «بيولوگيالىق قاۋىپسىزدىك ماسەلەلەرى ۇزي» رمك لابوراتورياسىنىڭ مەڭگەرۋشىسى ا.ناحانوۆ، «ارسەلورميتتال تەمىرتاۋ» اق بولات بالقىتۋشىسى ۆ.پاستۋح، پاۆلودار قالالىق «دارىندى بالالارعا ارنالعان №3 گيمنازيا» مم ديرەكتورى ق.قۇسپەكوۆا، شىمكەنت قالالىق «№1 قالالىق كلينيكالىق اۋرۋحانا» مقك دارىگەرى ج.سۇيگەنباەۆ، رەجيسسەر ق.وماروۆ بار.
ءىىى دارەجەلى «ەڭبەك داڭقى» وردەنى ءوندىرىس، كولىك، قۇرىلىس، اۋىل شارۋاشىلىعى جانە باسقا دا ماتەريالدىق ءوندىرىس سالالارىنىڭ 105 جۇمىسشىسى مەن ەڭبەككەرىنە بەرىلدى.
«ادىرنا» ۇلتتىق پورتالى
