2021-جىلدىڭ 14-جەلتوقسانىندا ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتى تاياۋ شىعىس جانە وڭتۇستىك ازيا كافەدراسى قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان 4-كۋرس ستۋدەنتتەرى مەن ماگيسترانتتار اراسىندا (اراب، پارسى، ءۇندى جانە ۋردۋ ءتىلى توپتارى) جاريالانعان «مەن جانە تاۋەلسىزدىك» ۇزدىك ەسسە كونكۋرسىنىڭ ناتيجەسىن جاريالاپ جەڭىمپازداردى ماراپاتتادى.
كونكۋرستىڭ باستى ماقساتى ستۋدەنتتەردىڭ پاتريوتتىق سەزىمىن ارتتىرۋ جانە تاياۋ شىعىس جانە وڭتۇستىك ازيا كافەدراسىندا وقىتىلاتىن ءتورت شىعىس تىلدەرىن (اراب، پارسى، حيندي جانە ۋردۋ) وقيتىن ستۋدەنتتەردىڭ وقيتىن شىعىس تىلىندە ەسسە جازۋ قابىلەتىن كورسەتۋىنە مۇمكىندىك بەرۋ بولاتىن.
ۇزدىك ەسسە كونكۋرسىنا قاتىسقان 4-كۋرس ستۋدەنتتەرى مەن ماگيسترانتتارى قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان ەسسەلەرىندە ەلىمىز تاۋەلسىزدىك جولىندا قاسىرەتكە تولى تاريحتى باستان كەشىرگەنى مەن اتا-بابالارىمىزدىڭ جانقيارلىق كۇرەسى بايانداعان.
ازاتتىق جولىندا كۇرەسكەن بابالاردىڭ ەرلىگىن، تاۋەلسىزدىككە جەتۋ تاريحىن جانە ونى بولاشاق ۇرپاقتىڭ ەشۋاقىتتا ۇمىتپايتىنىن اسەرلى جانە شەبەر تىلمەن جەتكىزە بىلگەن.
سونىمەن قاتار ەلىمىزدىڭ بولاشاعى ءبىلىمدى دە وتتاي جالىنداعان ونەرلى جاستاردىڭ قولىندا ەكەندىگىن ەرەكشە اتاپ كورسەتكەن ءار ءبىر قاتىسۋشى ەلىمىزدىڭ بولاشاعىن جارقىنىراق ەتۋ ءۇشىن جان-جاقتى ءبىلىم الىپ، ايانباي ەڭبەك ەتۋگە ارقاشان دايىن ەكەندىگىن شىنايى بايانداۋى مەن ەركىن ويلارىمەن ءتانتى ەتتى.
سونىمەن قاتار ۇزدىك ەسسە كونكۋرسىنا قاتىسۋشىلار اراب، پارسى، حيندي جانە ۋردۋ تىلدەرىن جەتكىلىكتى يگەرگەندىگى مەن ويلارىن ەركىن جەتكىزە الاتىندىعىمەن دە ەرەكشەلەندى. كونكۋرسقا جىبەرىلگەن ەسسەلەردىڭ ارقايسىسى ۇلكەن ماراپاتقا يە جانە بىرىنەن-ءبىرى اسىپ تۇسەتىنىن ەرەكشە اتاپ كورسەتكەن ءجون.
ۇزدىك ەسسە كونكۋرسىنىڭ ەرەجەسىنە ساي ءاربىر شىعىس تىلىندە (اراب، پارسى، حيندي جانە ۋردۋ) جازىلعان ەسسەلەرگە جەكە-جەكە سىيلىقتار تاعايىندالدى. ناتيجەدە ءبىرىنشى، ەكىنشى جانە ءۇشىنشى دارەجەلى ديپلومدارمەن جانە باعالى سىيلىقتارمەن اراب، پارسى، حيندي جانە پارسى ءتىلى توپتارىنىڭ جەڭىمپاز ستۋدەنتتەرى ماراپاتتالدى.
اتاپ ايتقاندا ءبىرىنشى دارەجەلى ديپلوممەن انەس اديلبەكوۆ (اراب), مەرۋەرت كاديرحانوۆا (پارسى), اسەل اسان (حيندي) ماراپاتتالسا، ەكىنشى دارەجەلى ديپلوممەن راحيا سابراليەۆا (اراب), ايگەرىم بورىباەۆا (پارسى), نازەركە جاربوسىنوۆا (ۋردۋ) جانە ءۇشىنشى دارەجەلى ديپلوممەن سالمان قازيەۆ پەن باكيزات كاپەنوۆا (اراب), ايگەرىم مۇراتوۆا (پارسى) جانە ۋرۋموۆا توعجان (حيندي) ماراپاتتالدى.
قورىتىندىلاي كەلە، كونكۋرستى ۇيىمداستىرۋشىلار الداعى ۋاقىتتا دا ۇزدىك ەسسە كونكۋرسىن ءداستۇرلى تۇردە وتكىزۋ كەرەك دەگەن شەشىمگە توقتادى.
عاليا امزەقىزى قامباربەكوۆا
تاياۋ شىعىس جانە وڭتۇستىك ازيا
كافەدراسىنىڭ اعا وقىتۋشىسى، ف.ع.ك.
