تاۋەلسىزدىك كەزەڭىندە 1800-دەن استام مەكتەپ سالىندى. بۇل تۋرالى تاۋەلسىزدىكتىڭ 30 جىلدىعىنا ارنالعان سالتاناتتى ءىس-شارادا قر پرەزيدەنتى قاسىم-جومارت توقاەۆ ايتتى.
«بالالاردى بالاباقشامەن قامتۋ كورسەتكىشى 1999 جىلدان بەرى 10 ەسە ءوستى. تاۋەلسىزدىك كەزەڭىندە 1800-دەن استام مەكتەپ سالىندى. 21 نازارباەۆ زياتكەرلىك مەكتەبى اشىلدى. ءبىز كادر دايىنداۋدىڭ جاڭا تاسىلىنە كوشتىك»، - دەدى قر پرەزيدەنتى.
قاسىم-جومارت توقاەۆتىڭ اتاپ وتۋىنشە، مەملەكەتتىك ءبىلىم بەرۋ تاپسىرىسى جىل وتكەن سايىن كوبەيىپ، سوڭعى 20 جىلدا ونىڭ سانى 5 ەسە وسكەن.
«كۇردەلى كەزەڭگە قاراماستان «بولاشاق» باعدارلاماسى جۇزەگە اسىرىلا باستادى. ءبىلىم بەرۋ سالاسىنىڭ ەڭ وزىق مەكەمەسىنە اينالعان نازارباەۆ ۋنيۆەرسيتەتى قۇرىلدى. عىلىم سالاسىن دامىتۋعا ارنالعان قارجى كولەمى بىرنەشە ەسە ارتتى. سونىڭ ارقاسىندا جاڭا ينستيتۋتتار مەن عىلىمي ورتالىقتار اشىلۋدا، جاس عالىمداردىڭ قاتارى كوبەيۋدە»، - دەدى مەملەكەت باسشىسى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز