باستى بەت
جاڭالىقتار
تاۋەلسىزدىكتىڭ 30 جىلدىعىنا وراي پرەزيدەنتتىڭ اتىنا شەت مەملەكەتتەر باسشىلارىنان جەدەلحاتتار تۇسۋدە

تاۋەلسىزدىكتىڭ 30 جىلدىعىنا وراي پرەزيدەنتتىڭ اتىنا شەت مەملەكەتتەر باسشىلارىنان جەدەلحاتتار تۇسۋدە

19.12.2021

5170

https://adyrna.kz/content/uploads/2021/12/211215185058214e-960x500.jpg?token=1e970cc4147ee87220bf359b3025c65a

قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي پرەزيدەنت قاسىم-جومارت توقاەۆتىڭ اتىنا شەت مەملەكەتتەردىڭ باسشىلارى مەن حالىقارالىق ۇيىمداردىڭ جەتەكشىلەرىنەن قۇتتىقتاۋ جەدەلحاتتارى كەلىپ تۇسۋدە دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.وڭتۇستىك كورەيانىڭ پرەزيدەنتى مۋن چجە ين كورەي حالقىنىڭ اتىنان جۇرەكجاردى قۇتتىقتاۋىن جولدادى.«ەلدەرىمىز ءتۇرلى سالا بويىنشا ىنتىماقتاستىقتى دامىتىپ كەلەدى. اتاپ ايتقاندا، ءبىزدىڭ ءوزارا الماسقان ساپارلارىمىز جانە گەنەرال حون بوم دونىڭ مۇردەسىنىڭ تاريحي وتانىنا قايتارىلۋى ەكى ەل اراسىنداعى ستراتەگيالىق سەرىكتەستىكتىڭ ودان ءارى تەرەڭدەۋىنە مۇمكىندىك بەردى دەپ سانايمىن. كەلەسى جىلى مەملەكەتتەرىمىز اراسىنداعى ديپلوماتيالىق قاتىناستاردىڭ 30 جىلدىعى اتاپ وتىلەدى. ەكى ەل اراسىنداعى كوپ جىلدىق دوستىق قاتىناستاردى ودان ءارى دامىتىپ، حالىقتارىمىزدىڭ بايلانىستارى مەن ىقپالداستىعىن تەرەڭدەتە بەرەمىز دەپ سەنەمىن»، – دەلىنگەن جەدەلحاتتا.سينگاپۋر پرەزيدەنتى حاليما ياكۋب ءوز قۇتتىقتاۋىندا قاسىم-جومارت توقاەۆ پەن قازاقستان حالقىن تاۋەلسىزدىكتىڭ 30 جىلدىعىمەن قۇتتىقتاپ، ەكى مەملەكەت اراسىندا تىعىز ىنتىماقتاستىقتى جانداندىرۋعا مۇمكىندىك بار ەكەنىن اتاپ وتكەن.

«سينگاپۋر مەن قازاقستان جوعارى دەڭگەيدەگى بەرىك ءارى جەكە بايلانىستار ارقىلى بەكەمدەلگەن شىنايى دوستىق قاتىناس ورناتقان. حالىقارالىق ساۋدانىڭ نەگىزگى ترانزيتتىك توراپتارى رەتىندە ەكى ەلدىڭ ورنالاسقان ستراتەگيالىق ورنىن ەسكەرە وتىرىپ، جۇك تاسىمالى بايلانىستارىن دامىتۋعا ءوزارا مۇددەلىمىز»، – دەپ جازعان سينگاپۋر پرەزيدەنتى.

ارمەنيانىڭ پرەمەر-ءمينيسترى نيكول پاشينيان دا ءوزىنىڭ قۇتتىقتاۋى مەن يگى تىلەكتەرىن جولداي وتىرىپ، قازاقستاننىڭ ساياسي جانە الەۋمەتتىك-ەكونوميكالىق سالالارداعى ماڭىزدى جەتىستىكتەرىن اتاپ وتكەن.

«ءبىزدىڭ ءوزارا كۇش-جىگەرىمىز ارمەنيا مەن قازاقستان اراسىنداعى تابىستى ىنتىماقتاستىقتى ەكىجاقتى فورماتتا دا، ينتەگراتسيالىق قاۋىمداستىقتار مەن كوپجاقتى ۇيىمدار اياسىندا دا  ودان ءارى دامىتۋعا باعىتتالاتىنىنا سەنىمدىمىن. مۇنىڭ ءبارى ەكى ەل حالىقتارىنىڭ مۇددەسىن كوزدەيدى»، – دەلىنگەن جەدەلحاتتا.

تاۋەلسىزدىگىمىزدىڭ 30 جىلدىعىنا وراي ومان سۇلتانى حايسام بين تاريق، نەپال پرەزيدەنتى بيدحيا دەۆي بحانداري، اۆستراليانىڭ پرەمەر-ءمينيسترى سكوتت مورريسون، ءيزرايلدىڭ بۇرىنعى پرەمەر-مينيسترلەرى بينيامين نەتانياحۋ جانە ەحۋد ولمەرت، بۇۇ-نىڭ جەنەۆاداعى  بولىمشەسىنىڭ باس ديرەكتورى تاتيانا ۆالوۆايا، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس، رەسەي فەدەراتسياسى سىرتقى بارلاۋ قىزمەتىنىڭ ديرەكتورى سەرگەي نارىشكين، «Mabetex Group» كومپانياسىنىڭ پرەزيدەنتى افريم پاكوللي جانە باسقالار ءوز قۇتتىقتاۋلارىن جولدادى.

Facebook - پاراقشامىزعا جازىلىڭىز!