Basty bet
Jaŋalyqtar
Täuelsızdıktıŋ 30 jyldyǧyna orai Prezidenttıŋ atyna şet memleketter basşylarynan jedelhattar tüsude

Täuelsızdıktıŋ 30 jyldyǧyna orai Prezidenttıŋ atyna şet memleketter basşylarynan jedelhattar tüsude

19.12.2021

5172

https://adyrna.kz/content/uploads/2021/12/211215185058214e-960x500.jpg?token=1e970cc4147ee87220bf359b3025c65a

Qazaqstan Respublikasy Täuelsızdıgınıŋ 30 jyldyǧyna orai Prezident Qasym-Jomart Toqaevtyŋ atyna şet memleketterdıŋ basşylary men halyqaralyq ūiymdardyŋ jetekşılerınen qūttyqtau jedelhattary kelıp tüsude dep habarlaidy "Adyrna" ūlttyq portaly Aqordaǧa sılteme jasap.Oŋtüstık Koreianyŋ Prezidentı Mun Chje İn korei halqynyŋ atynan jürekjardy qūttyqtauyn joldady.«Elderımız türlı sala boiynşa yntymaqtastyqty damytyp keledı. Atap aitqanda, bızdıŋ özara almasqan saparlarymyz jäne general Hon Bom Donyŋ mürdesınıŋ tarihi otanyna qaitaryluy ekı el arasyndaǧy strategiialyq serıktestıktıŋ odan ärı tereŋdeuıne mümkındık berdı dep sanaimyn. Kelesı jyly memleketterımız arasyndaǧy diplomatiialyq qatynastardyŋ 30 jyldyǧy atap ötıledı. Ekı el arasyndaǧy köp jyldyq dostyq qatynastardy odan ärı damytyp, halyqtarymyzdyŋ bailanystary men yqpaldastyǧyn tereŋdete beremız dep senemın», – delıngen jedelhatta.Singapur Prezidentı Halima Iаkub öz qūttyqtauynda Qasym-Jomart Toqaev pen Qazaqstan halqyn Täuelsızdıktıŋ 30 jyldyǧymen qūttyqtap, ekı memleket arasynda tyǧyz yntymaqtastyqty jandandyruǧa mümkındık bar ekenın atap ötken.

«Singapur men Qazaqstan joǧary deŋgeidegı berık ärı jeke bailanystar arqyly bekemdelgen şynaiy dostyq qatynas ornatqan. Halyqaralyq saudanyŋ negızgı tranzittık toraptary retınde ekı eldıŋ ornalasqan strategiialyq ornyn eskere otyryp, jük tasymaly bailanystaryn damytuǧa özara müddelımız», – dep jazǧan Singapur Prezidentı.

Armeniianyŋ Premer-ministrı Nikol Paşinian da özınıŋ qūttyqtauy men igı tılekterın joldai otyryp, Qazaqstannyŋ saiasi jäne äleumettık-ekonomikalyq salalardaǧy maŋyzdy jetıstıkterın atap ötken.

«Bızdıŋ özara küş-jıgerımız Armeniia men Qazaqstan arasyndaǧy tabysty yntymaqtastyqty ekıjaqty formatta da, integrasiialyq qauymdastyqtar men köpjaqty ūiymdar aiasynda da  odan ärı damytuǧa baǧyttalatynyna senımdımın. Mūnyŋ bärı ekı el halyqtarynyŋ müddesın közdeidı», – delıngen jedelhatta.

Täuelsızdıgımızdıŋ 30 jyldyǧyna orai Oman Sūltany Haisam Bin Tariq, Nepal Prezidentı Bidhia Devi Bhandari, Avstraliianyŋ Premer-ministrı Skott Morrison, İzraildıŋ būrynǧy Premer-ministrlerı Biniamin Netaniahu jäne Ehud Olmert, BŪŪ-nyŋ Jenevadaǧy  bölımşesınıŋ bas direktory Tatiana Valovaia, Düniejüzılık densaulyq saqtau ūiymynyŋ bas direktory Tedros Adhanom Gebreiesus, Resei Federasiiasy Syrtqy barlau qyzmetınıŋ direktory Sergei Naryşkin, «Mabetex Group» kompaniiasynyŋ prezidentı Afrim Pakolli jäne basqalar öz qūttyqtaularyn joldady.

Facebook - paraqşamyzǧa jazylyŋyz!