ۆلاديمير زەلەنسكي ءوز ساياساتىن قايتا قاراستىرماسا، ۋكراينا رەسەي اۋماعىنىڭ ءبىر بولىگى بولۋى كەرەك، دەپ مالىمدەدى شەشەنستان باسشىسى رامزان قادىروۆ. بۇل تۋرالى "ادىرنا" ۇلتتىق پورتالى حابارلايدى.
- ەگەر زەلەنسكي مەن ونىڭ كومانداسى وسىلاي ارەكەت ەتەتىن بولسا، ۋكراينا ءبىزدىڭ ەلگە قوسىلۋى كەرەك ەكەنىنە تەرەڭ سەنىمدىمىن. ۋكرايندار – ءبىزدىڭ حالىق، بۇل – ءبىزدىڭ تەرريتوريامىز. بۇل مەنىڭ پىكىرىم، - دەدى ساياساتكەر.ونىڭ ايتۋىنشا، ەگەر وعان ۋكرايناداعى جاعدايدى رەتتەۋ تۋرالى تاپسىرما بەرىلسە، ول مۇنى الدەقاشان شەشەر ەدى. قادىروۆ اتاپ وتكەندەي، ول مۇنى ەكى جولمەن جاساي الادى:
- شەشەنستاندى ۋكرايناعا قوسۋ;
- نەمەسە جاي عانا ۋكراينانى الىپ كەتۋ ارقىلى.
- مەن جاياۋ اسكەرمىن، بۇيرىق كەلگەن بويدا ەش قيىندىقسىز ورىنداۋعا دايىنمىن، ويتكەنى مەن بىلەمىن: مەملەكەتتىڭ جانە حالقىمىزدىڭ تۇتاستىعى مەن قاۋىپسىزدىگى ەڭ باستىسى، - دەپ مالىمدەدى رامزان قادىروۆ.سونداي-اق ول "مەملەكەتتىك كەلىسىمدەر بار" بولعاندىقتان، «مۇنداي شەشىمدى» ءوز بەتىنشە قابىلداي المايتىنىن ايتتى.
"ادىرنا" ۇلتتىق پورتالى
