2021 جىلدىڭ 1 قازانىنداعى جاعداي بويىنشا وزبەكستاننىڭ سىرتقى قارىزى 37,6 ملرد دوللاردى قۇراپ، جىل باسىمەن سالىستىرعاندا 11%-عا نەمەسە 3,7 ملرد دوللارعا ءوستى (1 قاڭتاردا 33,8 ملرد دوللار). بۇل تۋرالى وزبەكستان ورتالىق بانكىنىڭ وزبەكستاننىڭ اعىمداعى جىلدىڭ 9 ايىنداعى تولەم بالانسى مەن سىرتقى قارىزى تۋرالى ەسەبىندە ايتىلعان، دەپ حابارلايدى "ادىرنا" ۇلتتىق پورتالى.
قارجى رەتتەۋشىسىنىڭ مالىمەتى بويىنشا، جىل باسىمەن سالىستىرعاندا وزبەكستاننىڭ مەملەكەتتىك سىرتقى قارىزى 7% - عا نەمەسە $1,5 ملرد-قا ارتىپ، $22,9 ملرد قۇرادى. مەملەكەتتىك ەمەس سىرتقى قارىز 18% - عا نەمەسە $2,2 ملرد-قا ارتىپ، $14,7 ملرد-قا جەتتى.
ەسەپتى كەزەڭنىڭ سوڭىندا ەلدىڭ شەتەل ۆاليۋتاسىنداعى اكتيۆتەرى $68,3 ملرد، ال سىرتقى مىندەتتەمەلەردىڭ كولەمى — $51,4 ملرد قۇرادى، بۇل رەتتە وزبەكستاننىڭ تازا ينۆەستيتسيالىق پوزيتسياسى جىل باسىنان بەرى 17% - عا نەمەسە $3,4 ملرد-قا ازايدى جانە اعىمداعى جىلعى 1 قازانداعى جاعداي بويىنشا $16,9 ملرد قۇرادى.
"ادىرنا" ۇلتتىق پورتالى
