«اق جول»: ددۇ ماقۇلداعان ۆاكتسينالار حالىققا قولجەتىمدى بولۋى كەرەك

1812
Adyrna.kz Telegram

ءماجىلىس دەپۋتاتى ع.حامزين جولدادى.

قر دەنساۋلىق ساقتاۋ مينيسترىنە

       2021 جىلعى 29 قىركۇيەكتەگى دەپۋتاتتىق ساۋالدا «اق جول» فراكتسياسى حالىقارالىق دەڭگەيدە تانىلعان ۆاكتسينالاردىڭ جەتكىلىكتى سانىن، ونىڭ ىشىندە شەتەلگە شىعۋدى جوسپارلاپ وتىرعان كوپتەگەن ادامدار، اسىرەسە ستۋدەنتتەر، بيزنەسمەندەر جانە باسقا دا قازاقستاندىقتار ءۇشىن اقىلى نەگىزدە Pfizer ۆاكتسينالارىن قامتاماسىز ەتۋ قاجەتتىلىگى تۋرالى ماسەلەنى كوتەردى. بۇگىنگى تاڭدا قازاقستاندا سپۋتنيك-V, Qazvac جانە Sinopharm جانە قازاقستاندىقتاردىڭ كەيبىر ساناتتارى ءۇشىن Pfizer پرەپاراتتارىمەن ۆاكتسيناتسيالاۋ قولجەتىمدى. ولاردىڭ ىشىندە تەك Sinopharm جانە Pfizer ددۇ-مەن ماقۇلدانعان.

16 قاراشادا قازاقستان حالقىن ەرىكتى تۇردە اقىلى نەگىزدە ۆاكتسيناتسيالاۋ ءۇشىن كوممەرتسيالىق نارىقتا Covid-19 Comirnaty Pfizer ۆاكتسيناسىن ساتۋ مۇمكىندىگى تۋرالى ۇكىمەت قاۋلىسىنىڭ جوباسى قولداۋ تاپتى. الايدا، بۇگىنگى كۇنى بۇل پرەپاراتپەن اقىلى نەگىزدە ۆاكتسيناتسيالاۋ ءالى باستالعان جوق.

وتكەن جىلدىڭ 11 قازانىنداعى «ۇكىمەت ساعاتىندا» بۇرىڭعى دەنساۋلىق ساقتاۋ ءمينيسترى تسوي، Sinopharm كومپانياسىنىڭ Verocell ۆاكتسيناسىنىڭ ەلدىڭ بارلىق ايماقتارىندا بولۋى تۋرالى ايتتى. بۇگىنگى تاڭدا Sinopharm كوپتەگەن اۋرۋحانالاردا جوق ەكەندىگى تۋرالى اقپارات بار، بۇل ونىڭ جەتىسپەۋشىلىگىن كورسەتەدى.

بۇكىل الەمدە جانە قازاقستاندا كوروناۆيرۋسپەن سىرقاتتانۋشىلىقتىڭ وسۋىنە بايلانىستى، اتاپ ايتقاندا، حالىقتى ۆاكتسيناتسيالاۋمەن بايلانىستى پروبلەمالار ەرەكشە وتكىر بولىپ تۇر. ءبىزدىڭ ازاماتتارىمىز ءوز ەلىندە بولعان كەزدە ولاردى ددۇ ماقۇلداعان پرەپاراتپەن ۆاكتسيناتسيالا مۇمكىندىگى جوق جاعدايعا تاپ بولىپ وتىر. بۇل ۇلكەن قيىندىقتار تۋعىزادى. ماسەلەن، وقۋ باعدارلاماسى اعىمداعى جىلدىڭ قاڭتار-اقپان ايلارىندا باستالاتىن بولاشاق باعدارلاماسىنىڭ ستۋدەنت-ستيپەندياتتارى اقىلى پفايزەردى كۇتە الماي، ۆاكتسينا الۋ ءۇشىن كورشى ەلدەرگە بارۋعا ءماجبۇر. ولاردىڭ ىشىندە ەڭ تانىمال باعىتتار - قىرعىزستان مەن وزبەكستان.

اقىلى Pfizer-ءدى قايتا ۆاكتسيناتسيالاعىسى كەلەتىن قازاقستاندىقتاردى  ەسەپكە العاندا، بۇكىل ەل كۇتىپ وتىر. ماسەلەن، ەلوردا، الماتى، الماتى جانە تۇركىستان وبلىستارىنىڭ تۇرعىندارى ءوز وڭىرلەرىندە رەۆاكتسيناتسيا ءۇشىن تەك Qazvac عانا قولجەتىمدى دەپ شاعىمدانادى. كوپتەگەن ادامدار پفايزەرگە اقى تولەۋگە مۇمكىندىگى بار، بىراق ولار بەلگىسىز مەرزىمدە كۇتۋگە ءماجبۇر. وسى ۋاقىتقا دەيىن اقىلى نەگىزدە Pfizer ۆاكتسيناتسياسىنىڭ ناقتى باستالۋ كۇنى ەش جەردە جاريالانعان جوق. بۇل ادامداردىڭ جوسپارلارىن بۇزادى، ولار دەنساۋلىق ساقتاۋ مينيسترلىگىنىڭ بارلىق باستامالارىنا تەرىس كوزقاراس قالىپتاستىرادى. ماسەلەن، دەنساۋلىق ساقتاۋ مينيسترلىگىنىڭ ۇسىنىسى بويىنشا قايتا ۆاكتسيناتسيالاۋ قاجەت دارىگەر جۇمىستا ۇنەمى كۇيزەلىسكە ۇشىرايدى جانە Pfizer-ءدى كۇتۋ كەزىندە ومىرىنە قاۋىپ توندىرەدى. ونىڭ ۇستىنە، وتكەن جىلدىڭ مامىر ايىندا جەتكءىزۋ مەرزىمى ۇزىلگەن بولاتىن. ەۋروپاعا ۇشۋدى قاجەت ەتەتىن كاسىپكەرلەر ددۇ ماقۇلداعان ۆاكتسينالاردى الۋ قيىندىقتارىنا بايلانىستى ۇشۋدى كەيىنگە قالدىرۋدا. دەنساۋلىق ساقتاۋ مينيسترلىگى بۇل ادامداردى ءوز پروبلەمالارىمەن بەتپە-بەت جالعىز قالدىردى.

بۇل ماسەلەنى دۇنيەجۇزىلىك دەنساۋلىق ساقتاۋ ۇيىمى اككرەديتتەگەن جاعدايدا، وتاندىق QazVac پرەپاراتى شەشە الار ەدى. 2021 جىلدىڭ شىلدەسىندە پرەزيدەنت قاسىم-جومارت توقاەۆ QazVac كوروناۆيرۋسىنا قارسى قازاقستاندىق ۆاكتسينانى دۇنيەجۇزىلىك دەنساۋلىق ساقتاۋ ۇيىمىندا تىركەۋدى جەدەلدەتۋدى تاپسىردى. ازىرگە بۇل باعىتتا العا جىلجۋ تۋرالى جەتكىلىكتى اقپارات جوق.

وسىعان بايلانىستى «اق جول» دەپۋتاتتىق فراكتسياسى مىنالاردى ۇسىنادى:

1. «بولاشاق» باعدارلاماسىنىڭ ستيپەندياتتارىن، شەتەلدىك ارىپتەستەرمەن ىسكەرلىك كەلىسسوزدەر جۇرگىزۋ ءۇشىن شەتەلگە شىعاتىن كاسىپكەرلەردى جانە باسقا دا نيەت بىلدىرگەن ازاماتتاردى، قاجەت بولعان جاعدايدا، اقىلى نەگىزدە حالىقارالىق تانىلعان پرەپاراتتارمەن ۆاكتسيناتسيالاۋدى جەدەل تۇردەباستاۋ.
2. ازاماتتاردىڭ بارلىق ساناتتارى ءۇشىن، ونىڭ ىشىندە رەۆاكتسيناتسيا ءۇشىن دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكتسينالاردىڭ جەتكىلىكتى سانىن قامتاماسىز ەتۋ.
3. Pfizer پرەپاراتىمەن اقىلى تۇردە ۆاكتسيناتسيالاۋدىڭ ناقتى باستالۋ كءۇنىن جاريالاۋ. بۇل ۆاكتسيناتسيالاۋدى قىسقا مەرزىمدە باستاۋ.
4. وتاندىق QazVac پرەپاراتىن دۇنيەجۇزىلىك دەنساۋلىق ساقتاۋ ۇيىمى جانە الەمنىڭ جەتەكشى ەلدەرىنىڭ فارماتسەۆتيكالىق اكىمشىلىكتەرى حالىقارالىق تانۋ ءۇشىن قابىلدانىپ جاتقان شارالار تۋرالى حابارلاۋ.

قۇرمەتپەن,

«اق جول» فراكتسياسىنىڭ دەپۋتاتتارى

پىكىرلەر