اقتوبە وبلىسى العا اۋدانىنا قاراستى بەستاماق اۋىلىنىڭ اكىمى قانات داۋلەتالين وزىنە قول جۇمساۋعا ارەكەت جاساعان.، دەپ حابارلايدى "ادىرنا" ۇلتتىق پورتالى.
وقيعا 7 شىلدە كۇنى بولعان. رەسمي مالىمەتتى العا اۋدانىنىڭ اكىمى اسلانبەك شۇيىنشاليەۆ راستادى. ونىڭ ايتۋىنشا، 47 جاستاعى شەنەۋنىكتىڭ بۇل ارەكەتىنىڭ الدىن العان ونىڭ جۇبايى بولعان.
"سول ساتتە اۋرۋحاناعا جەتكىزىلدى. جاعدايى اۋىر ەدى. سەبەبى جايلى ناقتى ايتا المايمىن، بۇل – جەكە ماسەلە", – دەدى اكىم.
قانات داۋلەتالين 2016 جىلدان بەرى بەستاماق اۋىلىن باسقارىپ كەلەدى. ءۇش بالاسى
وبلىستىق دەنساۋلىق ساقتاۋ باسقارماسىنىڭ مالىمەتىنشە، داۋلەتالين قازىرگى ۋاقىتتا العا اۋداندىق اۋرۋحاناسىندا ەم قابىلداپ جاتىر. جاعدايى – تۇراقتى، ەسىن بىلەدى، جالپى پالاتادا.
مەديتسينا قىزمەتكەرلەرى ونىڭ دياگنوزىن جاريالامادى، سەبەبى ناۋقاستىڭ رۇقساتى جوق. بۇل – زاڭ تالاپتارىنا ساي.
سونىمەن قاتار، اقتوبە وبلىستىق پوليتسيا دەپارتامەنتى اتالعان فاكت بويىنشا سوتقا دەيىنگى تەرگەۋ جۇرگىزىلىپ جاتقانىن حابارلادى. قوسىمشا مالىمەت تەرگەۋ قۇپياسىنا بايلانىستى جاريا ەتىلمەيدى.
