Aqtöbe oblysy Alǧa audanyna qarasty Bestamaq auylynyŋ äkımı Qanat Däuletalin özıne qol jūmsauǧa äreket jasaǧan., dep habarlaidy "Adyrna" ūlttyq portaly.
Oqiǧa 7 şılde künı bolǧan. Resmi mälımettı Alǧa audanynyŋ äkımı Aslanbek Şüiınşäliev rastady. Onyŋ aituynşa, 47 jastaǧy şeneunıktıŋ būl äreketınıŋ aldyn alǧan onyŋ jūbaiy bolǧan.
"Sol sätte auruhanaǧa jetkızıldı. Jaǧdaiy auyr edı. Sebebı jaily naqty aita almaimyn, būl – jeke mäsele", – dedı äkım.
Qanat Däuletalin 2016 jyldan berı Bestamaq auylyn basqaryp keledı. Üş balasy bar, auyldyŋ tumasy. Ol 30 mausymnan 22 şıldege deiın demalysqa şyqqan.
Oblystyq densaulyq saqtau basqarmasynyŋ mälımetınşe, Däuletalin qazırgı uaqytta Alǧa audandyq auruhanasynda em qabyldap jatyr. Jaǧdaiy – tūraqty, esın bıledı, jalpy palatada.
Medisina qyzmetkerlerı onyŋ diagnozyn jariialamady, sebebı nauqastyŋ rūqsaty joq. Būl – zaŋ talaptaryna sai.
Sonymen qatar, Aqtöbe oblystyq polisiia departamentı atalǧan fakt boiynşa sotqa deiıngı tergeu jürgızılıp jatqanyn habarlady. Qosymşa mälımet tergeu qūpiiasyna bailanysty jariia etılmeidı.
