Atyraudyŋ jaŋa äkımı bolyp Meiırım Qalaui taǧaiyndaldy. Būǧan deiın ol Nur Otan partiiasynyŋ oblystyq filialy töraǧasynyŋ bırınşı orynbasary qyzmetın atqarǧan.
Qalanyŋ būrynǧy äkımı Qairat Orazbaev qaŋtarda öz ötınışımen qyzmetınen bosatylǧan edı. Atyrau oblysy äkımınıŋ baspasöz qyzmetınıŋ mälımetınşe, qalanyŋ jaŋa basşysy būl qyzmetke Prezident Äkımşılıgı jäne Atyrau qalalyq mäslihatynyŋ kelısımı boiynşa taǧaiyndaldy.
«Atyrau oblysy äkımınıŋ ökımımen Atyrau qalasynyŋ äkımı taǧaiyndaldy. Ol lauyzymǧa Atyrau oblysynyŋ tumasy Meiırım Qalaui taǧaiyndalady»,- delıngen resmi habarlamada.Aimaq basşysy Mahambet Dosmūhambetov Meiırım Qalauidy aktivke tanystyra otyryp, onyŋ aldynda auqymdy mındetter kütıp tūrǧan tūrǧanyn tılge tiek etıp, jūmysyna sättılık tıledı. Meiırım Qalaui 1985 jyly Atyrau oblysy Qyzylqoǧa audanynda düniege kelgen. 2006 jyly «Memlekettık jäne jergılıktı basqaru» mamandyǧy boiynşa H.Dosmūhamedov atyndaǧy Atyrau memlekettık universitetın, 2010 jyly RF Prezidentı janyndaǧy memlekettık qyzmettıŋ Resei akademiiasyn tämamdaǧan. Eŋbek jolyn 2006-2007 jyldary «Atyrau-Aqparat» kommunaldyq memlekettık käsıpornynda bastaǧan. 2010-2011 jyldary «Tūran» JŞS-nıŋ direktory, "Qazaqstan" RTRK Atyrau oblystyq filialy direktorynyŋ orynbasary - bas redaktor bolyp eŋbek etken. 2011-2012 jyldary «Atyrau-Aqparat» KMK töraǧasy, 2012-2016 jyldary Atyrau oblystyq jastar saiasaty basqarmasynyŋ basşysy bolyp qyzmet atqardy. 2016-2019 jyldary oblys äkımı apparat basşysynyŋ orynbasary, Atyrau qalasy äkımınıŋ orynbasary lauazymynda boldy. Sondai-aq, ol "Nur Otan" partiiasy "Jas Otan" jastar qanatynyŋ Atyrau oblystyq filialynyŋ atqaruşy hatşysy qyzmetın qoǧamdyq negızde atqarǧan. 2019 jyldan jaŋa lauazymǧa taǧaiyndalǧanǧa deiın İnder audanynyŋ äkımı bolyp jūmys ıstegen. Odan keiın «Nur Otan» partiiasy Atyrau oblystyq filialy töraǧasynyŋ bırınşı orynbasary qyzmetın atqarǧan.
"Adyrna" ūlttyq portaly
Ūqsas jaŋalyqtar
