اۋەجاي قىزمەتكەرىن كەپىلگە العان ماشراپبەك باراتوۆ 11 جىلعا سوتتالدى

937
Adyrna.kz Telegram
https://www.adyrna.kz/storage/uploads/xOk7RInJ7iQozH7da0eX0PvFaiNMVYgFNGcjSzRS.webp

الماتىدا اۋەجاي قىزمەتكەرىن  كەپىلگە العان ماشراپبەك باراتوۆقا قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.

الماتى قالاسىنىڭ تۇركسىب اۋداندىق سوتى زەينەتكەر ماشراپبەك باراتوۆتى 11 جىلعا باس بوستاندىعىنان ايىردى.

بۇل ونىڭ ەكىنشى مارتە سوتتالۋى.

بۇعان دەيىن، 2024 جىلعى 26 جەلتوقساندا وعان بوستاندىعىن شەكتەۋ جازاسى تاعايىندالعان ەدى. ەندى وسى وتەلمەگەن مەرزىمى جاڭا ۇكىممەن بىرىكتىرىلىپ، جالپى جازا مەرزىمى 11 جىل بولىپ بەلگىلەندى.

باراتوۆ جازاسىن ورتاشا قاۋىپسىزدىك دەڭگەيىندەگى تۇزەتۋ مەكەمەسىندە وتەيتىن بولادى.

سوت وتىرىسى قىسقارتىلعان تارتىپتە ءوتتى. ايىپتالۋشى تاعىلعان ايىپتاردى مويىنداپ، تەرگەۋ

ماتەريالدارىنا قارسى بولماعان. سوت كىناسىن مويىنداعانىن جەڭىلدەتەتىن ءمان-جاي رەتىندە ەسكەردى.

ەسكە سالا كەتەيىك، 2025 جىلعى 7 ناۋرىزدا ماشراپبەك باراتوۆ الماتى حالىقارالىق اۋەجايىندا قىزمەتكەر ايەلدى اس ءۇي پىشاعىمەن قورقىتىپ، كەپىلگە العان بولاتىن. ونى باتىل ارەكەت جاساعان قالا تۇرعىنى مۇسا ابدرايم بەيتاراپتاندىرىپ، پىشاقتى جۇلىپ الىپ، پوليتسيانىڭ ۇستاۋىنا مۇمكىندىك بەرگەن.

وسى ارەكەتى ءۇشىن باراتوۆ قر قك-ءنىڭ 293-بابى 3-بولىگى («بۇزاقىلىق»), 261-بابى 4-بولىگى 2-تارماعى («كەپىلگە الۋ») جانە 273-بابى («تەرروريزم اكتىسى تۋرالى كورىنەۋ جالعان حابار بەرۋ») بويىنشا ايىپتالعان.

پىكىرلەر