Almatyda äuejai qyzmetkerın kepılge alǧan Maşrapbek Baratovqa qatysty sot ükımı şyqty, dep habarlaidy "Adyrna" ūlttyq portaly.
Almaty qalasynyŋ Türksıb audandyq soty zeinetker Maşrapbek Baratovty 11 jylǧa bas bostandyǧynan aiyrdy.
Būl onyŋ ekınşı märte sottaluy.
Būǧan deiın, 2024 jylǧy 26 jeltoqsanda oǧan bostandyǧyn şekteu jazasy taǧaiyndalǧan edı. Endı osy ötelmegen merzımı jaŋa ükımmen bırıktırılıp, jalpy jaza merzımı 11 jyl bolyp belgılendı.
Baratov jazasyn ortaşa qauıpsızdık deŋgeiındegı tüzetu mekemesınde öteitın bolady.
Sot otyrysy qysqartylǧan tärtıpte öttı. Aiyptaluşy taǧylǧan aiyptardy moiyndap, tergeu materialdaryna qarsy bolmaǧan. Sot kınäsın moiyndaǧanyn jeŋıldetetın män-jai retınde eskerdı.
Eske sala keteiık, 2025 jylǧy 7 nauryzda Maşrapbek Baratov Almaty halyqaralyq äuejaiynda qyzmetker äieldı as üi pyşaǧymen qorqytyp, kepılge alǧan bolatyn. Ony batyl äreket jasaǧan qala tūrǧyny Mūsa Abdraim beitaraptandyryp, pyşaqty jūlyp alyp, polisiianyŋ ūstauyna mümkındık bergen.
Osy äreketı üşın Baratov QR QK-nıŋ 293-baby 3-bölıgı («Būzaqylyq»), 261-baby 4-bölıgı 2-tarmaǧy («Kepılge alu») jäne 273-baby («Terrorizm aktısı turaly körıneu jalǧan habar beru») boiynşa aiyptalǧan.
