شىمكەنت قالاسى اكىمىنىڭ توراعالىعىمەن بارلىق قارۋلى كۇشتەردىڭ باسشىلارى بىرىكتىرىلگەن جەدەل شتاب كۇشەيتىلگەن رەجيمدە جۇمىس جاساۋدا. بۇگىندە شىمكەنت قالاسىنداعى جاعداي تۇراقتى. پوليتسيا قىزمەتكەرلەرى اسكەري بولىمدەردىڭ كۇشتەرىمەن بىرگە قالا اۋماعىندا قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدە.
بۇگىنگى كۇنگە دەيىن «كومەندانتتىق ساعاتتى» بۇزعانى ءۇشىن 258 ادام اكىمشىلىك جاۋاپكەرشىلىككە تارتىلدى.
قالا شەكارالارىندا قويىلعان 7 بلوكبەكەت جۇمىسىن جالعاستىرۋدا، وندا پوليتسەيلەر مەن اسكەريلەر قىزمەت اتقارۋدا. توتەنشە جاعداي رەجيمى ەنگىزىلگەننەن بەرى بلوكبەكەتتەردە 16 مىڭ 893 اۆتوكولىك تەكسەرىلدى.
بارلىق قوزعالعان قىلمىستىق ىستەر بويىنشا جاپپاي تارتىپسىزدىككە قاتىسقان 80 ادام ۋاقىتشا ۇستاۋ يزولياتورىنا قامالدى.
ستراتەگيالىق جانە الەۋمەتتىك نىسانداردى كۇزەتۋ كۇشەيتىلىپ، تۇرعىنداردىڭ تىرىشىلىگىنە قاجەتتى بارلىق ورىندار شتاتتىق رەجيمدە جۇمىس جاساۋدا.
وسى رەتتە، قالا تۇرعىندارىن وزدەرى مەن جاقىندارىنىڭ قاۋىپسىزدىگى ءۇشىن تج رەجيمىنىڭ بارلىق ەرەجەسىن ساقتاۋعا، ادام كوپ جينالاتىن ورىندارعا بارماۋعا، ارانداتۋشىلىققا ەرمەۋگە، كارانتين تالاپتارىن قاتاڭ ساقتاۋعا شاقىرامىز.
شىمكەنت قالاسى اكىمدىگىنىڭ ءباسپاسوز قىزمەتى
