Shymkent qalasy ákiminiń tóraǵalyǵymen barlyq qarýly kúshterdiń basshylary biriktirilgen jedel shtab kúsheıtilgen rejımde jumys jasaýda. Búginde Shymkent qalasyndaǵy jaǵdaı turaqty. Polıııa qyzmetkerleri áskerı bólimderdiń kúshterimen birge qala aýmaǵynda qoǵamdyq tártip pen azamattardyń qaýipsizdigin qamtamasyz etýde.
Búgingi kúnge deıin «komendanttyq saǵatty» buzǵany úshin 258 adam ákimshilik jaýapkershilikke tartyldy.
Qala shekaralarynda qoıylǵan 7 blokbeket jumysyn jalǵastyrýda, onda polıeıler men áskerıler qyzmet atqarýda. Tótenshe jaǵdaı rejımi engizilgennen beri blokbeketterde 16 myń 893 avtokólik tekserildi.
Barlyq qozǵalǵan qylmystyq ister boıynsha jappaı tártipsizdikke qatysqan 80 adam ýaqytsha ustaý ızolıatoryna qamaldy.
Strategııalyq jáne áleýmettik nysandardy kúzetý kúsheıtilip, turǵyndardyń tirishiligine qajetti barlyq oryndar shtattyq rejımde jumys jasaýda.
Osy rette, qala turǵyndaryn ózderi men jaqyndarynyń qaýipsizdigi úshin TJ rejıminiń barlyq erejesin saqtaýǵa, adam kóp jınalatyn oryndarǵa barmaýǵa, arandatýshylyqqa ermeýge, karantın talaptaryn qatań saqtaýǵa shaqyramyz.
Shymkent qalasy ákimdiginiń baspasóz qyzmeti
