Ломбардтан ұрланған ұялы телефондар Қалқаман шағын ауданында тәркіленді

2622
Adyrna.kz Telegram

Қалқаман шағын ауданында ломбардтан ұрланған ұялы телефондар тәркіленді, - деп хабарлайды "Адырна" порталы. Бұл туралы Polisia.kz мәлімдеді.

Наурызбай аудандық полиция бөлімінің мәліметінше, 17 жастағы жасөспірім Райымбек даңғылының бойында орналасқан ломбардтардың бірін тонады деген күдікке ілінген. Жәбірленуші тонау салдарынан келтірілген материалдық шығынды 2 миллион теңгеге бағалаған.

Ұрланған мобильді құрылғылар мен гаджеттерді полицейлер күдіктінің жалға алған тұрғын үйінен тапты. Заттай айғақ алынды. Қазақстан Республикасы Қылмыстық кодексінің 188-бабының 3-бөлігі бойынша сотқа дейінгі тергеу амалдары жүргізілуде. Күдікті уақытша ұстау изоляторына қамалды.

"Адырна" ұлттық порталы

Пікірлер