تالدىقورعان اباقتىسىندا ازاپ كورگەن ازامات باتىرباەۆتىڭ (كەيبىرى ونى نازارباەۆتىڭ ەسكەرتكىشىن قۇلاتۋشىلاردىڭ ءبىرى دەيدى) اپكەسى بىلاي دەيدى:
- ءيا، شەرۋگە شىقتى. وندا تۇرعان نە بار؟ بۇكىل قازاقستان شىقتى. بۇكىل قازاق شىقتى. نە ءۇشىن شىقتى؟ قىمباتشىلىقتان شىقتى. جاڭاوزەندى قورعايمىز دەپ شىقتى. سولاردىڭ ءبارىن ءولتىرىپ، قيناي بەرۋ كەرەك پە؟
- ازاماتتى قالاي ازاپتاعان؟
- ازاماتتى ازاپتاعاندا ساۋ-تامتىق جەرى جوق.
قاي جەرى بار بىت-شىتىن شىعارىپ ۇرا بەرگەن. شابىنىڭ ورتاسىنان دا ۇرعان. ءىسىپ كەتكەن. سول كەزدە ءبىر كۇن كوردىك، ارەڭ ءجۇردى. ايتپايدى عوي ەندى ەر ازامات.
قىزدار كورگەن، مەن ول كۇنى جۇمىستا بولدىم. تىرناعىنا دەيىن ءىسىپ كەتكەن. قولىنا دەيىن تەپكىلەگەن. تىرناعىنا ينە كىرگىزگەن، ارقاسىن ۇتىكپەن كۇيدىرگەن.
نۇربەك ءتۇسىپحان
