Қаңтардағы тәртіпсіздіктерден кейін ұсталғандарға қатысты өлім, азаптау және қызметтік өкілеттігін асыра пайдалану деректері бойынша 133 қылмыстық іс қозғалды. Бұл туралы Бас прокурордың орынбасары Ерлік Кененбаев айтты, - деп хабарлайды “Адырна” ұлттық порталы Tengrinews.kz сайтына сілтеме жасап.
Кенебаев заңсыз әрекеттер, соның ішінде азаптау негізінен тергеудің бастапқы кезеңінде болатынын айтты. Оның айтуынша, ұсталғандар полиция бөлімшесіне жеткізіліп, тергеуші немесе жедел уәкілмен жалғыз қалады. Көп заңсыздық осы кезде тіркеледі.
"Ұсталғандардың көбі өз құқығын білмейді, қорғаушылары да жоқ. Көп жағдайда полицейлер осыны пайдаланады. Оның себебі нақты реттелген жұмыс тәртібінің жоқтығында. Қаңтар оқиғасы соның айқын дәлелі", - деді ол Мәжілісте сөйлеген сөзінде.
