Іс материалдарынан анықталғандай, 2021 жылдың наурыз айында жәбірленушінің өтініші бойынша сотталушы өз атынан банктен несие алған, оны жәбірленушінің өзі төлеуі тиіс болған. Алайда кейін әйел несие төлеуден бас тартып, олардың арасында кикілжің туындаған.
- 25 қарашада сотталушы жәбірленушімен кездесіп, оның әрекетіне ашуланып, оған бірнеше рет пышақ сұғып, оқиға орнынан бой тасалаған. Ауыр дене жарақатынан есінен танып қалған әйел оқиға орнында көз жұмды. Басты сот талқылауында сотталушы өз кінәсін толық мойындады, істеген ісіне өкінді. Сотталушының кінәсі жәбірленушінің, куәлардың айғақтарымен, сондай-ақ сараптама қорытындысымен және бейнежазбалармен расталады, - делінген үкімде.
Прокурор сотталушыға 10 жылға бас бостандығынан айыру жазасын тағайындауды сұрады. Жәбірленуші тарап соттан кісі өлтірушіні Заңның қатаңдығы бойынша жазалауды сұрады.
Айта кетейік, марқұмның артында жеті баласы қалды, ең кішісі небәрі бес жаста. Сот үкімімен ер адам кісі өлтіргені үшін кінәлі деп есептеліп, 10 жылға бас бостандығынан айырылды. Сот үкімі заңды күшіне енген жоқ.
"Адырна" ұлттық порталы