بەيبىت شەرۋگە شىعىپ، قولىنا ارانداتۋشىلار بوپسالاپ قارۋ ۇستاتىپ، ناقاقتان-ناقاق ايىپتالىپ، تەمىر تورعا 5 جىلعا ۇكىممەن قاماۋعا الىنعان وجەت جەڭىسحاننىڭ اكەسى توقاەۆقا ۇندەۋ جولدادى، دەپ حابارلايدى "ادىرنا" ۇلتتىق پورتالى.
"مەنىڭ اتى ءجونىم جەڭىسحان اكرامۇلى، الماتى قالاسى 18-تەرگەۋ اباقتىسىندا جاتقان جەڭىسحان وجەتتىڭ اكەسىمىن. مەنىڭ ۇلىم تەرروريست ەمەس! ەشقانداي ۇيىمعا، باسقا دا قىلمىسقا قاتىسى جوق! بەيبىت الاڭعا كوزقاراسىن ءبىلدىرۋ ءۇشىن بەيبىت شەرۋگە شىققان بولاتىن. سول كەزدە بىرەۋلەر قورقىتىپ، قارۋ كەزەپ، قولىنا قارۋ ۇستاتقان. ول قارۋدان ەشقانداي وق اتىلماعان. قاسىم-جومار كەمەلۇلى ءبىز سىزدەن وسى بالاعا اراشا ءتۇسۋىڭىزدى سۇرايمىز! جاقىندا ءوزىڭىز سۇحبات بەرگەنىڭىزدە "جاڭا قازاقستان", "ادىلەتتى قازاقستان" قۇرۋ جونىندە ايتقان ەدىڭىز. ءبىزدىڭ بالامىزعا ادىلەتسىز ۇكىم شىعارىلىپ وتىر. ءبىزدىڭ بالامىزعا ادىلەتتى شەشىم تاعايىنداپ، سوتتىڭ ادىلەتتى ۇكىم شىعارۋىن قالايمىز" دەدى وجەتتىڭ اكەسى.
