Google өз платформалары мен қосымшаларында, соның ішінде YouTube-те үкімет қаржыландыратын ресейлік БАҚ үшін монетизацияны тоқтатады, деп жазады "Адырна" ұлттық порталы. Бұл туралы "Reuters" басылымы хабарлады.
YouTube өкілдері «төтенше жағдайларға» сілтеме жасай отырып, видеохостинг «YouTube-тегі бірқатар арналарды монетизациялау мүмкіндігін тоқтатады», - деп мәлімдеді.
Сонымен қатар Google ресейлік мемлекеттік БАҚ-қа веб-сайттар мен қосымшалардан табыс табу үшін оның жарнама технологиясын пайдалануға тыйым салғанын қосты.
Бұған қоса, ресейлік БАҚ Google Tools құралдары арқылы жарнама сатып ала алмайды және Gmail сияқты Google қызметтерінде жарнама орналастыра алмайтыны белгілі болды.
"Адырна" ұлттық порталы
