رەسەي ساياساتكەرى زيۋگانوۆتىڭ ايتقان سوزدەرى جەلىدە قىزۋ تالقىلانىپ جاتىر. ونىڭ ءبىر اي بۇرىن جاساعان مالىمدەمەسى ەندى الەۋمەتتىك جەلىدە تاراۋدا. حالىق نارازىلىق ءبىلدىرىپ، بەلسەندىلەر ونى ايىپتاۋدا.
"سولتۇستىك قازاقستان تۇتاستاي العاندا ورىستىكى، ال وڭتۇستىك قازاقستاندا ورىس ءتىلى مەكتەپتەردە وقىتىلماۋدا. سوندىقتان مەن بۇگىنگى تاڭدا پرەزيدەنت، ۇكىمەت جانە مەملەكەتتىك دۋما بۇل ماسەلەنى شەشۋ بويىنشا ناقتى شەشىمدەر شىعارۋى ءتيىس دەپ سانايمىن. ەڭ الدىمەن ورىستىلدىلەردى بۇل ەلدە بولىپ جاتقان ناتسيوناليزمنەن قورعاۋ كەرەك. ءبىزدىڭ بايقوڭىر نىسانىمىز، قارۋعا ارنالعان ۋران شىعارۋ زاۋىتىن، پوليگوندى دا قورعاۋعا الۋعا ءتيىسپىز. ءبىز رۋحاني، مادەني، تىلدىك تۇرعىدان تولىق قورعالۋعا ءتيىس شارالار قابىلداۋعا مىندەتتىمىز", - دەيدى ول.
بۇل مالىمدەمەسى "قاسىرەتتى قاڭتار" وقيعاسىنان كەيىن جاسالعانى بەلگىلى بولدى. الايدا الەۋمەتتىك جەلىدە ەندى تاراۋدا.
"ادىرنا" ۇلتتىق پورتالى
