قاراعاندىدا جەرگىلىكتى بەلسەندى ساياسي قۋعىن-سۇرگىن مەن اشارشىلىق قۇرباندارىن ەسكە الۋعا ارنالعان شەرۋ تۋرالى حابارلاما تاراتقانى ءۇشىن 15 تاۋلىككە اكىمشىلىك قاماۋعا الىندى. بۇل تۋرالى قازتاگ جازدى، دەپ حابارلايدى “ادىرنا”.
«سوتتىڭ مالىمەتىنشە، 2025 جىلعى 21 مامىر كۇنى شامامەن ساعات 16:50-دە ج. WhatsApp مەسسەندجەرى ارقىلى 2025 جىلعى 30 مامىرعا جوسپارلانعان رۇقسات ەتىلمەگەن شەرۋدى وتكىزۋ تۋرالى اقپارات تاراتقان. ءىس ماتەريالدارىنا سايكەس، ءىس-شارا ساياسي قۋعىن-سۇرگىن قۇرباندارىن ەسكە الۋعا ارنالماق بولعان، الايدا ۇيىمداستىرۋشى زاڭدا كورسەتىلگەن مەرزىمدەردە ۇگىت-ناسيحات جۇرگىزبەگەن. سوت ج.-نىڭ بۇعان دەيىن دە وسىنداي قۇقىق بۇزۋشىلىق ءۇشىن اكىمشىلىك جاۋاپكەرشىلىككە تارتىلعانىن ەسكەردى»، – دەلىنگەن قاراعاندى قالاسىنىڭ مامانداندىرىلعان اكىمشىلىك قۇقىق بۇزۋشىلىقتار جونىندەگى اۋدانارالىق سوتىنىڭ حابارلاماسىندا.
سوت ەر ادامنىڭ رۇقسات ەتىلمەگەن ءىس-شاراعا قاتىسۋعا اشىق شاقىرۋ جاساعانىن، بۇل
سوت ونى «بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭنامانى بۇزدى» دەپ تانىپ، 15 تاۋلىككە اكىمشىلىك قاماۋعا الدى.
بۇعان دەيىن استانا، وسكەمەن، شىمكەنت، پاۆلودار جانە پەتروپاۆل قالالارىندا بەلسەندىلەردىڭ ساياسي قۋعىن-سۇرگىن مەن اشارشىلىق قۇرباندارىن ەسكە الۋ شەرۋىن وتكىزۋ تۋرالى حابارلامالارىنا اكىمدىكتەر رۇقسات بەرمەگەن. كەيبىر ءوتىنىش بەرگەن ازاماتتارعا اكىمشىلىك جازا، ءتىپتى قاماۋعا الىنۋ قاۋپى تۋرالى ەسكەرتۋ جاسالعان.
كەيىنىرەك ورال مەن سەمەي قالالارىندا دا جەرگىلىكتى بيلىك تۇرعىنداردىڭ ەسكە الۋ شەرۋىن وتكىزۋ تۋرالى وتىنىشتەرىن قاناعاتتاندىرماعان.
رۇقسات الا الماعان بەلسەندىلەردىڭ ايتۋىنشا، اكىمدىكتەر 31 مامىردا ادامداردىڭ جينالۋىنا جول بەرمەۋ ماقساتىندا ادەيى وسىنداي شەشىم قابىلداعان.