اقش-تىڭ ازاماتتىعى بار تۇركىمەن ازاماتتارىنىڭ ەلگە كىرۋىنە ءىشىنارا تىيىم سالىنۋىن اشحاباد «تۇسىنىكسىز ءارى الاڭداتارلىق جاعداي» دەپ قابىلدادى. بۇل تۋرالى تۇركىمەنستان رەسپۋبليكاسىنىڭ سىرتقى ىستەر مينيسترلىگىنىڭ رەسمي سايتىندا جاريالانعان، دەپ حابارلايدى “ادىرنا”.
مينيسترلىك اقش بيلىگىنىڭ بۇل شەشىمىن «اسىعىس قابىلدانعان قادام» دەپ باعالاپ وتىر. وندا ەكىجاقتى تۇركىمەن-امەريكان ىنتىماقتاستىعىنىڭ، سونىڭ ىشىندە كوشى-قون ساياساتى بويىنشا دا، كەڭ اۋقىمدى باعىتتارى ەسكەرىلمەگەنى ايتىلعان.
«بەيتاراپ مەملەكەت رەتىندە تۇركىمەنستان بۇۇ باس اسسامبلەياسىنىڭ ءۇش رەزوليۋتسياسىمەن تانىلعان مارتەبەسىنە يە جانە كوشى-قون سالاسىنداعى بارلىق حالىقارالىق نورمالار مەن ەرەجەلەردى قاتاڭ ساقتايدى. وسىعان بايلانىستى تۇركىمەنستاننىڭ بوسقىندار مەن ازاماتتىعى جوق ادامداردىڭ قۇقىقتىق، الەۋمەتتىك، گۋمانيتارلىق جانە باسقا دا ماسەلەلەرىن رەتتەيتىن بۇۇ كونۆەنتسيالارىن جۇزەگە اسىرۋداعى تاجىريبەسى الەمدەگى الدىڭعى قاتارلى ۇلگىلەردىڭ ءبىرى. بۇل بۇۇ مەن وزگە دە بەدەلدى حالىقارالىق ۇيىمداردىڭ اياسىندا وتكىزىلەتىن ءتۇرلى فورۋمداردا ۇنەمى اتاپ وتىلەدى»، — دەلىنگەن مالىمدەمەدە.
سونداي-اق، ورتالىق ازيا ازاماتتاردىڭ كىرۋى مەن شىعۋىنا قاتىستى ماسەلەلەردى ءوزارا
اقش پرەزيدەنتى دونالد ترامپ «اقش-تى شەتەلدىك تەرروريستەر مەن ۇلتتىق جانە قوعامدىق قاۋىپسىزدىككە باسقا دا قاۋىپتەردەن قورعاۋ ماقساتىندا شەتەل ازاماتتارىنىڭ كىرۋىنە شەكتەۋ قويۋ تۋرالى» قۇجاتقا قول قويدى. بۇل قۇجات 19 ەلدىڭ ازاماتتارىنا، سونىڭ ىشىندە تۇركىمەنستانعا دا، تولىق نەمەسە ءىشىنارا كىرۋگە تىيىم سالۋدى قاراستىرادى.
تۇركىمەنستان بۇل تىزىمگە تەك ۆيزالاردىڭ مەرزىمىن وتكىزىپ الۋ دەڭگەيىنىڭ جوعارى بولۋىنا بايلانىستى ەنگىزىلدى. ىسكەرلىك جانە تۋريستىك ۆيزالار بويىنشا — 15,35%، ستۋدەنتتىك، كاسىبي جانە الماسۋ ۆيزالارى بويىنشا — 21,74%. وسىعان بايلانىستى جوعارىدا اتالعان ۆيزالار بويىنشا كىرۋ ۋاقىتشا توقتاتىلدى. سونىمەن قاتار، كوشى-قون قىزمەتتەرىنە تۇرىكمەن ازاماتتارىنىڭ اقش-تا بولۋ مەرزىمىن زاڭنامادا رۇقسات ەتىلگەن كولەمدە قىسقارتۋ تاپسىرىلدى.
