ارمەنيا پرەمەر-ءمينيسترى نيكول پاشينياننىڭ «ازاماتتىق كەلىسىم» پارتياسى بيۋللەتەندەردىڭ 100%-ى وڭدەلگەننەن كەيىن 49,81% داۋىس جينادى. بۇل تۋرالى Report اگەنتتىگى جازدى، دەپ حابارلايدى «ادىرنا» ءتىلشىسى.
«ازاماتتىق كەلىسىم» پارتياسىنا 727 160 سايلاۋشى داۋىس بەرگەن. بيزنەسمەن سامۆەل كاراپەتياننىڭ «كۇشتى ارمەنيا» وپپوزيتسيالىق بلوگى — 23,29%، ال بۇرىنعى پرەزيدەنت روبەرت كوچارياننىڭ «ارمەنيا» بلوگى — 9,94%، بيزنەسمەن گاگيك تسارۋكياننىڭ «وركەندەگەن ارمەنيا» پارتياسى — 4% داۋىس جيناعان. قالعان پارتيالار مەن بلوكتار ءوتۋ شەگىنەن وتە الماعان.
مەملەكەت باسشىسى قاسىم-جومارت توقاەۆ ارمەنيا پرەمەر-ءمينيسترى نيكول پاشينياندى «ازاماتتىق كەلىسىم» پارتياسىنىڭ پارلامەنتتىك سايلاۋداعى جەڭىسىمەن قۇتتىقتادى.
پرەزيدەنت نيكول پاشينياننىڭ ارمەنيا ەلىنىڭ ۇزاقمەرزىمدى ۇلتتىق مۇددەسى جولىنداعى قىزمەتتە تابىسقا جەتە بەرۋىنە تىلەكتەستىك ءبىلدىردى.
مەملەكەت باسشىسى قازاقستان دوستاس ارمەنيامەن بارلىق سالادا ءوزارا مۇددەگە ساي بەلسەندى ىنتىماقتاستىقتى جالعاستىرۋعا دايىن ەكەنىن اتاپ ءوتتى.
