Сайлау учаскесіне таңғы сағат 7:00-де алғашқылардың бірі болып Алматы қаласының әкімі Ерболат Досаев әйелімен бірге келді. Олар Мәншүк Мәметова атындағы №28 мектеп-лицейде орналасқан №358 сайлау учаскесінде дауыс берді, деп хабарлайды “Адырна” ұлттық порталы.
«Бүгін біздің мемлекетіміз үшін және оның азаматы ретінде мен үшін өте маңызды күн Бүгін еліміз өзінің болашағын айқындайды. Мен сайлау учаскесіне еліміздің болашағы, мемлекеттің бейбітшілігі мен гүлденуі, Алматы мен қала тұрғындарының бірлік-берекесі үшін дауыс беруге келдім», – деді Ерболат Досаев.
Айта кетейік, Алматыда таңғы сағат 7:00-де 574 сайлау учаскелері ашылды. 1,1 миллионнан астам қала тұрғындарының дауыс беру құқығы бар.
“Адырна” ұлттық порталы
