سايلاۋ ۋچاسكەسىنە تاڭعى ساعات 7:00-دە العاشقىلاردىڭ ءبىرى بولىپ الماتى قالاسىنىڭ اكىمى ەربولات دوساەۆ ايەلىمەن بىرگە كەلدى. ولار مانشۇك مامەتوۆا اتىنداعى №28 مەكتەپ-ليتسەيدە ورنالاسقان №358 سايلاۋ ۋچاسكەسىندە داۋىس بەردى، دەپ حابارلايدى “ادىرنا” ۇلتتىق پورتالى.
«بۇگىن ءبىزدىڭ مەملەكەتىمىز ءۇشىن جانە ونىڭ ازاماتى رەتىندە مەن ءۇشىن وتە ماڭىزدى كۇن بۇگىن ەلىمىز ءوزىنىڭ بولاشاعىن ايقىندايدى. مەن سايلاۋ ۋچاسكەسىنە ەلىمىزدىڭ بولاشاعى، مەملەكەتتىڭ بەيبىتشىلىگى مەن گۇلدەنۋى، الماتى مەن قالا تۇرعىندارىنىڭ بىرلىك-بەرەكەسى ءۇشىن داۋىس بەرۋگە كەلدىم»، – دەدى ەربولات دوساەۆ.
ايتا كەتەيىك، الماتىدا تاڭعى ساعات 7:00-دە 574 سايلاۋ ۋچاسكەلەرى اشىلدى. 1,1 ميلليوننان استام قالا تۇرعىندارىنىڭ داۋىس بەرۋ قۇقىعى بار.
“ادىرنا” ۇلتتىق پورتالى
