Павлодарда келісімшарт бойынша қызмет етіп жүрген әскери қызметкер «КамАЗ» дөңгелегі жарылуы салдарынан мерт болды, деп хабарлайды “Адырна” ұлттық порталы.
Туыстарының айтуынша, дөңгелек жарылып, әскеридің басы жұлынып кеткен. Әрі ер адамды еңбек демалысы кезінде жөндеу жұмыстары үшін шақырып алған. Марқұмның артында жүкті әйелі мен қызы қалды.
Ұлттық ұлан «Шығыс» өңірлік қолбасшылығының мәліметінше, аталған деректен кейін қылмыстық іс қозғалған. Оқиға 12 маусымда 19:15 шамасында болған.
“Адырна” ұлттық порталы
