Ақжарқын Тұрлыбайдың ісі бойынша күдікті Нигерия азаматы шет мемлекеттің аумағында ұсталды. Бұған дейін оған халықаралық іздеу жарияланған болатын. Бұл туралы журналистерге қазақстандық әйелдің адвокаты Сұңқар Нұрмағамбетов айтты, деп хабарлайды «Адырна» тілшісі.
«Отандасымыздың сапарын ұйымдастырды деген күдікке ілінген Нигерия азаматы Адиндо Нонсо Форчун ұсталды. Ақпарат алу үшін мен Қазақстан Республикасының Ішкі істер министрлігіне адвокаттық сауал жолдадым»,— деді ол.
Еске сала кетейік, 21 жастағы қазақ қызы 2014 жылдың наурыз айында Қытайдың Малайзиямен шекарасында есірткімен ұсталған болатын. Оның жүк сөмкесінен 4,5 келі есірткі табылды, Ақжарқын ол туралы білмейтінін мәлімдеген. Осы іс бойынша Қытайдың Гуанчжоу соты Ақжарқын Тұрлыбайды есірткі контрабандасымен айыптап, өмір бойына бас бостандығынан айырды.
