ҚР Парламенті Мәжілісінің депутаты Юлия Кучинская Оқу-ағарту министрлігінің мұғалімдерге бірнеше миллиард теңге қарыз екенін мәлімдеді, деп хабарлайды «Адырна» тілшісі.
Айтуынша, педагогтардың бір бөлігі мамыр айының жалақысын әлі алмаған. Ал еңбек демалысы мен сауықтыру жәрдемақысы бойынша берешек 30 миллиард теңгені құрап отыр.
«Пандемиядан кейінгі күрделі оқу жылын аяқтаған соң 300 мыңға жуық мұғалім демалысқа шықты. Бірақ кейбір мұғалім демалысын дұрыс өткізе алмады және отбасылық жоспарларын белгісіз мерзімге кейінге қалдыруға мәжбүр болды. Бұған сіздің ведомствоның бюджетті жоспарлау мәселелеріне немқұрайлы қарауы себеп болды»,– деді ол.
Осылайша депутат министрден бұл мәселелерді қысқа мерзімді шешуді талап етті.
