Мамыр айында Текеліде орын алған лай көшкіні кезінде зардап шеккен Гүлнар Тілеухан бүгін отбасымен бірге екі бөлмелі пәтерге қоныстанды, - деп хабарлайды "Адырна ұлттық порталы" Жетісу облысының әкімдігінің әлеуметтік желідегі парақшасына сілтеме жасап.
Тұрғын үй бюджет қаражаты есебінен сатып алынды. Пәтерді тұрмыстық техникалық заттармен және жиһазбен жабдықтауға Алматы және Жетісу облысы әкімдіктері қолдау көрсетіп, «Риголит» ЖШС қайырымдылық танытты. Қазіргі уақытта өзге де зардап шеккен отбасылар уақытша жалға берілетін тұрғын үйлермен қамтамасыз етілген.
Сонымен қатар әр отбасына 200 айлық есептік көрсеткіш мөлшерінде біржолғы әлеуметтік төлем беріліп, қала кәсіпкерлері, еріктілер және «Қызыл Ай» қоғамы қайырымдылық көмек жасады.
