Шымкент қаласында 19 жастағы ер баланы өлтіріп кетті. Полицейлер күдіктіні ұстады, деп хабарлайды "Адырна" ұлттық порталы.
"Отырар" басылымының мәлімдеуінше, жігіт төбелестен кейін көз жұмды.
Қылмыс 26 шілдеге қараған түні Қазиева-Шынар көшелерінің бойында болған. Өлім оқиғасының куәгерлерінің айтуынша, күдікті бұрағышпен марқұмға екі рет соққы жасаған. Алған жарақаттарының нәтижесінде жігіт оқиға орнында көз жұмды. Құқық қорғау органдарының қызметкерлері қылмыскерді ұстады. Кейбір мәліметтер бойынша, ол небәрі 17 жаста.
Қазір аталған факті бойынша тексеру жүргізілуде.
"Адырна" ұлттық порталы
