Қазақстандықтар ҚР Қорғаныс министрі Руслан Жақсылықовтың отставкаға кетуін талап етіп, Тоқаевтың атына петиция жариялады. Бұл туралы "Адырна" ұлттық порталы хабарлайды.
"Қасым-Жомарт Тоқаев Қаскелең қаласының тумасы Руслан Жақсылықовты ҚР-ның Қорғаныс министрі қызметіне тағайындау туралы Жарлыққа 2022 жылғы 19 қаңтарда қол қойды. 2022 жылы 6 мамырда оған "Генерал-полковник" атағы берілді. Содан бері БАҚ беттерінде жас сарбаздардың өлімі туралы тақырыптар тоқтар емес. Қазақстан армиясында бейберекеттік орын алуда. Ата-аналар балаларын әскерге жібергісі келмейді. Жастарды ұрлап, мәжбүрлі түрде әскери қызметке жіберу фактілері орын алды. Біз, петицияға қол қойған азаматтар, ел Президентінен шұғыл түрде ҚР-ның Қорғаныс министрі Руслан Жақсылықовты қызметінен босатуды талап етеміз",- делінген петицияда.
"Адырна" ұлттық порталы
