استانادا 2024–2025 جىلعى باسكەتبول ماۋسىمىنىڭ ۇزدىك ويىنشىلارى، جاتتىقتىرۋشىلارى مەن جانكۇيەرلەرى QBF AWARDS 2025 ماراپاتىنا يە بولدى، دەپ حابارلايدى «ادىرنا» ءتىلشىسى Tengrinews.kz-كە سىلتەمە جاساپ.
“ۇزدىك الەۋمەتتىك جوبا” نوميناتسياسى Halyk Bank-ءتىڭ قولداۋىمەن جۇزەگە اسىرىلعان “حالىق ليگاسىنا” بۇيىردى. اتالعان بانك بۇل جوبانى 2005 جىلدان بەرى قارجىلاندىرىپ كەلەدى. وسى ۋاقىت ارالىعىندا جوبا اياسىندا بالالار ءۇيى مەن مەكتەپ-ينتەرناتتاردا تاربيەلەنەتىن 4 مىڭنان استام بالاعا قولداۋ كورسەتىلگەن.
“Halyk Bank جىل سايىن باسكەتبول فەدەراتسياسىمەن بىرلەسىپ بالالار ءۇيىنىڭ تاربيەلەنۋشىلەرىنە ومىردە ءوز جولىن تابۋعا كومەكتەسەدى. ەلىمىزدىڭ ءار وڭىرىنەن 18 بالالار ۇيىندە باسكەتبول كوماندالارى قۇرىلدى. ءبىزدىڭ دەمەۋشىلىگىمىزبەن ولار تولىقتاي كيىم-كەشەك، سپورتتىق اياق كيىم مەن كاسىبي جاتتىقتىرۋشىلاردان ساباق الادى", - دەدى Halyk Bank-تىڭ استاناداعى فيليالىنىڭ ديرەكتورى جانار راحيموۆا.
جوبا اياسىندا 4 مىڭنان استام بالا باسكەتبول ويناۋدى ۇيرەندى. ناتيجەسىندە ءۇش سپورت شەبەرى تاربيەلەنىپ شىقسا، 60-تان استام بالا باسكەتبولدان سپورت شەبەرلىگىنە ۇمىتكەر اتاندى.
"جۇزدەگەن بالا سپورتتى ماماندىعى ەتىپ تاڭداپ وتىر. بىرەۋى جاتتىقتىرۋشى، بىرەۋى تورەشى، ەندى ءبىرى ويىنشى بولىپ ءجۇر. ال كەيبىرى جاي عانا وزىنە سەنىمدى بولۋدى ۇيرەنىپ، ومىردەن ءوز جولىن تاپتى. بيىل حالىق ليگاسىنا تاعى ءبىر بالالار ءۇيى، 18-بولىپ قوسىلدى. سونىمەن قازىر 18 ەرلەر مەن توعىز ايەلدەر كومانداسى قۇرىلدى. وتكەن جىلى 16 ەرلەر مەن سەگىز ايەلدەر كومانداسى بولعان ەدى. جىل سايىن قاتىسۋشى بالالار ۇيلەرى مەن قاتىسۋشىلار سانى ارتىپ كەلەدى", - دەدى جانار راحيموۆا.
جۇلدەگەرلەردى ۇلتتىق جانە جوعارى ليگا كلۋبتارىنىڭ ويىنشىلارى مەن جاتتىقتىرۋشىلارى، وڭىرلىك فەدەراتسيا باسشىلارى، سونداي-اق سپورت جانە تۋريزم مينيسترلىگى مەن ۇلتتىق وليمپيادا كوميتەتىنىڭ وكىلدەرى ماراپاتتادى. ماراپاتتار كاسىبي، جاستار، اۋەسقوي، 3x3 جانە ينكليۋزيۆتى باسكەتبول سەكىلدى ساناتتاردى قامتيتىن 25 نوميناتسيا بويىنشا تابىستالدى.
Halyk Bank قولداۋىمەن 2025 جىلى اتىراۋ، تالدىقورعان، شىعىس قازاقستان، تۇركىستان وبلىستارى مەن پەتروپاۆل، پاۆلودار، سەمەي، اقكول، ەكىباستۇز، قاراعاندى، الماتى، رۋدنىي، قىزىلوردا، شىمكەنت، ورال، تاراز جانە جەزقازعان قالالارىنداعى بالالار ۇيلەرى مەن مەكتەپ-ينتەرناتتارىنان 400-دەن استام بالا باسكەتبولمەن اينالىسا باستادى.
Halyk الەۋمەتتىك جوباعا كوپ كوڭىل بولەدى. ويتكەنى ءبىز سپورت تەك فيزيكالىق دامۋعا عانا ەمەس، سونىمەن قاتار مىنەزدى، سەنىمدىلىكتى قالىپتاستىرىپ، جوباعا قاتىسۋشىلاردىڭ جارقىن بولاشاققا نىق قادام باسۋىنا كومەكتەسەتىنىنە سەنەمىز", – دەپ اتاپ ءوتتى جوبا كۋراتورى ولگا ۆۋروس.
"حالىق ليگاسى" اياسىندا جىل سايىن ء“ۇمىت كۋبوگى” اتتى چەمپيونات وتەدى. مۇندا قاتىسۋشىلار جاتتىعۋ كەزىندە ۇيرەنگەندەرىنىڭ بارىن ورتاعا سالادى. بيىل ء“ۇمىت كۋبوگىنا” ەلىمىزدىڭ 18 ايماعىنان 320-دان استام ويىنشى كەلەدى. وتكەن جىلى 16 ايماق، 288 قاتىسۋشى بولعان. چەمپيونات استانادا 30 ماۋسىم مەن 6 شىلدە ارالىعىندا وتەدى.
QBF AWARDS شاراسىن ۇيىمداستىرۋشىلاردىڭ ايتۋىنشا، بۇگىندە قازاقستاندا باسكەتبول جاي عانا سپورت ەمەس، ودان دا ۇلكەن مانگە يە بولىپ وتىر. بۇل وزىندىك مىنەز قالىپتاستىرىپ، ۇرپاقتاردى بىرىكتىرەتىن جانە ءتۇرلى ايماقتار مەن ەلدەر اراسىنداعى مادەنيەتتى جالعايتىن كوپىر ىسپەتتەس. سونىمەن قاتار، جاس تالانتتار ارمانعا ۇمىتىلىپ، كاسىپقويلار وزدەرىن شىڭدايتىن، حالىقارالىق ارەنادا ەلدىڭ اتىن شىعاراتىن پلاتفورما.
