15 ماۋسىمدا تاڭعى ساعات 09:19-دا الماتى وبلىسىنداعى جىڭىشكەسۋ – شەلەك باعىتىنداعى تەمىرجول وتكەلىندە Toyota Land Cruiser اۆتوكولىگى مەن جۇك پويىزى سوقتىعىستى، دەپ حابارلايدى "ادىرنا" ۇلتتىق پورتالى.
بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى.
وقيعا جەتىگەن – التىنكول تەمىرجول ۋچاسكەسىندە ورىن العان. ادام شىعىنى تىركەلگەن جوق. الايدا كولىك جۇرگىزۋشىسى قولىنان جاراقات الىپ، وعان مەديتسينالىق كومەك كورسەتىلگەن.
جۇك پويىزى اپات سالدارىنان مەجەلى جەرىنە 30 مينۋتقا كەشىگىپ جەتكەن. قتج مالىمەتىنشە، قىزمەتكەرلەردىڭ جەدەل ارەكەت ەتۋىنىڭ ارقاسىندا قوزعالىس ۋاقتىلى قالپىنا كەلتىرىلگەن.
ەسكە سالساق، 2025 جىلعى 1 ناۋرىزدا اتىراۋ وبلىسىنىڭ تەندىك ستانتسياسى ماڭىنداعى تەمىرجول وتكەلىندە كاماز جۇك كولىگى جۇك پويىزىمەن سوقتىعىسىپ، بىرنەشە ادام زارداپ شەككەن ەدى. تەمىرجول قوزعالىسى تەك 2 ناۋرىز كۇنى قالپىنا كەلتىرىلگەن بولاتىن.
ۇقساس جاڭالىقتار
