الماتى وبلىسى، رايىمبەك اۋدانىنىڭ سارىباستاۋ اۋىلىندا ءبىر وتباسىنىڭ ءتورت مۇشەسى قايعىلى جاعدايدا قازا تاپتى، دەپ حابارلايدى "ادىرنا" ۇلتتىق پورتالى.
قازا تاپقاندار قاتارىندا 1955 جانە 1974 جىلى تۋعان ەكى ەر ادام، 1984 جىلى تۋعان ايەل جانە ءبىر جارىم جاستاعى بالا بار.
Qonaev Media News ارناسىندا جاريالانعان اقپاراتقا سايكەس، وتباسى قىستاقتا تۇرىپ كەلگەن. تۋىستارى بىرنەشە كۇن بويى بايلانىسقا شىعا الماعان سوڭ ءۇيدى تەكسەرۋگە بارعان. سول ساتتە قازا تاپقانداردىڭ دەنەسىن تاپقان. قۇزىرلى ورگاندارعا حابار بەرىلىپ، مايىتتەر سوت-مەديتسينالىق ساراپتاماعا جىبەرىلدى. قازىرگى ۋاقىتتا بارلىق ءمان-جاي تەرگەۋ ارقىلى انىقتالىپ جاتىر.
الدىن الا بولجام بويىنشا، قايعىلى وقيعا كومىرتەگى توتىعىمەن ۋلانۋ سالدارىنان بولۋى مۇمكىن. بىراق بۇل اقپارات رەسمي تۇردە ءالى راستالعان جوق.
