الماتى وبلىسىندا تاعى ءبىر پەدوفيل قۇربانى انىقتالدى، دەپ حابارلايدى "ادىرنا" پورتالى Egov.press تەلەگرام ارناسىنا سىلتەپ.
الماتى وبلىسى، قاراساي اۋدانىنا قاراستى ساۋىنشى اۋىلىندا پەدوفيل تۇندە 9 جاسار قىزدى ۇيىنەن ۇرلاپ اكەتىپ، زورلاپ كەتكەن دەلىنەدى.
"ازىرگە رەسمي اقپاراتتار ايتىلمادى. پوليتسيا دەپارتامەنتى قىلمىستىق ءىس قوزعاپ، ءمان-جايدى انىقتاۋدا. پەدوفيل قۇربانى بولعان ءبۇلدىرشىننىڭ تۋىستارى قىلمىسكەر ءالى ۇستالعان جوق دەپ شىر-پىر بولۋدا", دەيدى تەلەگرامداعى جازبادا.
"تاڭعى بەستە كەلىپ قىزىم وياتتى. مەنى ءبىر اعا كەلىپ الىپ كەتتى دەدى ول. دارىگەرلەر تەكسەرىپ زورلانعانىن ايتتى" دەدى قىزدىڭ اناسى تىلشىگە.
تۇرعىندار پەديفيلدەرگە جازانى اقاتاڭداتاتىن زاڭ شىعارۋدى سۇراپ، بيلىككە نارازىلىقتارىن ايتۋدا:
"پوليتسيا كەلىپ ەكى كۇن عانا قاراپ كەتتى. ودان كەيىن كەلگەن دە جوق، سۇراعان دا جوق. قازىر بۇلار قىز دەپ، ۇل دەپ قاراپ وتىرعان جوق. پەدوفيلدەرگە جازانى اۋىرلاتىپ زاڭ شىعارسىن. الدە بۇل دۇنيەنى نازارعا الۋى ءۇشىن ءمينيستردىڭ نەمەسە باسشىنىڭ قىزى زورلانۋى كەرەك پە؟ بالالارىمىزدى كوشەگە شىعارا الماي قالدىق" دەدى ۆيدەوداعى بەلگىسىز ايەل.
