الماتى وبلىسىندا قۇرىلاتىن جاڭا قالادا قانشا ادام تۇراتىنى بەلگىلى بولدى، دەپ حابارلايدى "ادىرنا" ۇلتتىق پورتالى.
بۇل تۋرالى وبلىس اكىمى مارات سۇلتانعازيەۆ مالىمدەدى.
وبلىس باسشىسى قوناەۆ جانە الماتى قالالارىنىڭ اراسىندا "G4City" جوباسىن جۇزەگە اسىرۋ جوباسى قايتا قولعا الىنعانىن ايتتى.
"بۇل باعىتتاعى العاشقى قادام –ارنايى ەكونوميكالىق ايماعىن قۇرۋ. ول "G4 City" قالاسىن جانە قوناەۆ قالاسىنىڭ ءبىر بولىگىن قامتيتىن بولادى. "G4 City" قالاسى بويىنشا قۇنى 3,7 ترلن تەڭگە كولەمىندە ينۆەستيتسيا تارتۋ، 3,2 ترلن تەڭگە سالىق تۇسىمدەرى، سونداي-اق 34 مىڭ جۇمىس ورنىن قۇرۋ جوسپارلانىپ وتىر", – دەدى مارات سۇلتانعازيەۆ.
"G4 City" قالاسىنىڭ اۋماعى مەن قانشا ادامعا لايىقتالاتىنى دا بەلگىلى بولدى.
“ونىڭ اۋماعى 88 مىڭ گەكتاردى قۇرايتىن 4 ايماققا بولىنەدى. 2050 جىلعا قاراي 2 ميلليوننان استام ادام تۇرادى دەپ بولجانۋدا”، – دەلىنگەن مالىمەتتە.
