نيگەريانىڭ ورتالىعىنداعى بەنۋە شتاتىنا قارۋلى ادامدار باسىپ كىرىپ، بەيبىت تۇرعىنداردى اتىپ كەتكەن، دەپ حابارلايدى “ادىرنا” ۇلتتىق پورتالى.
قازىرگى ەسەپ بويىنشا كەمىندە 100 ادام قازا تاۋىپ، ونداعان تۇرعىن ءىز-ءتۇسسىز جوعالعان. ال جۇزدەگەن ادام جارالاندى.
قۇقىق قورعاۋشىلاردىڭ ايتۋىنشا، كەيبىر وتباسىلار تىرىدەي جانىپ كەتكەن.
Amnesty International دەرەگىنشە، سوڭعى ءبىر جىلدا بەنۋە شتاتىندا مۇنداي شابۋىلدار جيىلەپ كەتكەن. بىرقاتار اۋىلدارعا 10 رەت قارۋلى شابۋىل جاسالدى. قاقتىعىستار جاپپاي كوشۋگە، ازىق-تۇلىك تاپشىلىعىنا جانە جەرگىلىكتى تۇرعىنداردىڭ كۇنكورىس دەڭگەيىنىڭ كۇرت تومەندەۋىنە اكەلىپ سوققان.
TRT Global مالىمەتىنە سۇيەنسەك، شابۋىلدى جەرگىلىكتى پوليتسيا راستاعانىمەن، ناقتى قازا تاپقاندار سانى مەن شابۋىلدى كىم ۇيىمداستىرعانى بەلگىسىز كۇيىندە قالىپ وتىر.
ساراپشىلار بۇل قاندى وقيعانى مالشىلار مەن ديقاندار اراسىنداعى ۇزاققا سوزىلعان جەر داۋىنىڭ سالدارى دەپ ەسەپتەيدى.
ۇقساس جاڭالىقتار
